No que fai referencia á Universidade, polas noticias que temos, a Xerencia enviou unhas indicacións que contemplaban exclusivamente os centros onde estiveran programados exames.

No canto de acordar baixo o criterio emitido establécense uns servizos mínimos moi amplos:

5. Universidades galegas:

5.1. Reitorías:

-1 funcionario/a no rexistro.

-1 secretario/a do reitor ou auxiliar administrativo/a.

5.2. Campus:

-1 funcionario/a no rexistro.

-1 auxiliar de servizos por quenda de traballo.

-1 secretario/a dos vicerreitores responsables dos campus onde non estea a sede reitoral.


-1 persoa por biblioteca e quenda de traballo, no caso daqueles que conten cun horario extraordinario de apertura.

Estes servizos chocan, tamén, co auto do Tribunal Superior de Xustiza de Galicia (TSXG) do 19 de xuño de 2002 (última folga xeral), no que se indica que "os servizos mínimos non excederán o número de persoas que normalmente permanecen con ocasión dun domingo ou un día festivo, salvo que se trate de órganos que tales días permanezan pechados, en que se observarán quendas establecidas para os sábados”. Este criterio é un dos que seguiu a Xunta, segundo indica nun comunicado, para establecer os servizos mínimos; chocan no ámbito educativo, posto que as universidades, institutos e colexios permanecen "pechados" o fin de semana.

Como xa dixemos noutras ocasións, o establecemento de servizos mínimos abusivos, a sabendas, pon aos traballadores/as nun dilema, ou non se cumpren ou se denuncian.

De non cumprirse, a folga pasa a ser “salvaxe” e, xa se sabe, todos/as delincuentes.

De denunciarse, cando chega a resolución, a acción xa transcorreu co que, para ese momento, xa non vale. Serve para outras convocatorias, si o empresario ou administración pública o ten a ben.

Neste caso, ao tratarse dunha folga xeral, o Tribunal Superior de Xustiza de Galicia, ditaminará con urxencia coñecéndose a resolución o luns, día 27.

Todos os sindicatos, que nos saibamos, decidiron denunciar os servizos mínimos, os determinados para a Universidade tamén son susceptibles de denuncia.