Partimos dunha decisión do Comité de Empresa de abordar a negociación da RPT cos seguintes principios:

1. *   Non renunciar a ningunha das prazas xa acordadas e consolidadas en anteriores RPT’s

2. *   Que a Transitoria II se executase para a totalidade do grupo IVA e IVB.

3. *   Consolidación dos contratos de 3+3 porque a súa existencia e continuidade así o xustificaban.

4. *   Continuar coa profesionalización da xestión (no colectivo formado por máis de 300 traballadores/as, de momento só existen, na RPT catro “xefes de servizo” en Obras, Parque Móbil, Prevención e en Deportes, os outros servizos están dirixíndose por fontaneiros ou traballadores de “quita e pon”).

5. *   Rematar coas ETT’s como xeito de contratación na Universidade, acabar co subemprego, contratos tipo Labora….

A fase de negociación concluíu, esencialmente,  en:

1. *   Que a Transitoria II se executase na súa totalidade e que abarcase aos colectivos dos grupos IVA e IVB.
2. *   A desaparición do Coordinador de deportes.
3. *   A diminución de dúas prazas de Auxiliares de servizo nas conserxerías da Reitoría e da Fac. Económicas e Empresariais.
4. *   Nada de consolidación dos contratos de 3+3 co cambio de filosofía de negociación calquera posto de traballo computaba para as 38 prazas.
5. *   Desaparece a contratación de traballadores/as de programas  tipo Labora  nas aulas NET, os bolseiros, por desgraza,  aínda non conseguimos que desaparezan (no ano 2008 segundo a listaxe que se xunta contratáronse 23 Técnicos FP2 "Labora") por 3 Técnicos especialistas en informática máis na RPT (en total na proposta que a CIG aceptaría serían 7 téc. esp. Infor., dos que 3 xa están contratados con contratos de 3+3 para a atención telefónica,  1 sería para o servizo de rede e outros 3 serían os que realmente substituirían a eses 23 "Labora"). Pero esixiría, tamén,  a aceptación da desaparición da praza de Coordinador de deportes (unha das prazas que era, en principio,  irrenunciable).
   • Este cambio á CUT parécelle impresentable.

6. *   No marco da negociación sucedéronse circunstancias impropias de algo tan importante para o colectivo. Variación de posicións na Xerencia sen explicación ningunha (prazas que eran “irrenunciables”, por exemplo en Normalización Lingüística e Prevención de Riscos, desapareceron dun plumazo).
   Houbo, a última hora, un cambio radical na negociación, pasouse de  negociar tendo en conta os cartos, un 5% da masa salarial (nunca se chegou a cuantificar realmente) a negociar tendo en conta o número de prazas, sendo estas limitadas a 38 nin unha máis.

Temos que dicir que o elemento transcendente, tal e como se dixo nas asembleas, que nos tivo negociando todo este tempo foi a negociación da  Transitoria II, a consecución de que afectase a todos os grupos (IVA e IVB) foi decisiva. Tamén temos que dicir que se isto se conseguiu foi grazas á insistencia da CUT, a CIG xa negociara noutra época a afectación limitada desta cláusula.

Mantivemos até a última posibilidade a negociación aberta porque queriamos que a asemblea tivese unha base sobre a que tomar a decisión. Manifestamos ao resto dos sindicatos que, do mesmo xeito que a asemblea era decisoria para o desconto do 5%, tamén o sería para a RPT.

1. *   Nin a CIG, nin a Xerencia nos poden esixir que renunciemos á profesionalización da xestión, cousa implícita no cambio da praza de Coordinador de deportes por outra de Téc. esp. en informática (o cambio tampouco sería moi bo,  23 subempregos convertiríanse en 3 na RPT ).
2. *   Tampouco se nos pode pedir que aceptemos que continúe a praza de Coordinador de deportes diminuíndo entón as prazas de Técnico especialista a dúas (todas son necesarias).
3. *   Qué cambios houbo, desde a última RPT, nas labores das conserxerías que obrigue á redución de efectivos nos dous centros sinalados?

1. *   Non se pode pedir ao colectivo que acepte, de bo grado, que 38 prazas son suficientes porque necesitamos moitas máis (desde o ano 2005, última RPT, corresponde a unhas 7 prazas por ano. Qué porcentaxe anual representa?. As RPT é obrigatorio elaboralas, como mínimo, cada dous anos, qué porcentaxe bianual representa?), a Xerencia e, por extensión, a CIG, unha vez máis,  fan as contas que lles interesan.