setembro de 2010
 
 

21/09/2010

   CUTUDC / Novidades

  ACTUALIDADE

Os reitores confórmanse con recibir o mesmo ca este ano

Desde fai unha tempada a UDC veu reivindicando que, o novo financiamento (2011-2015) rematase coa aldraxe de financiamentos anteriores. Mudou o discurso, agora, supoñemos que en aras de manter a unidade coas outras universidades, xuntas entoan aquilo de “… que me quede como estaba”.

 

 

 

O Conselleiro ven de dar resposta ás reclamacións da UDC nas que pedía máis orzamento por alumno. Di Jesús Vázquez que “fai moitos anos que non se financia por alumno, e todo o que está agora en vigor firmouno a Universidade da Coruña”.

Temos clara a nosa opinión. A adaptación a Boloña repercutirá,nun maior gasto tanto en infraestruturas, como xa está sucedendo (aquí non hai limitación), como en persoal, onde se intenta escatimar.

Agora, a escusa manifestada reiteradamente pola institución en todas as mesas de negociación trasládalle a responsabilidade da situación á Xunta, e á limitación que impón no Capítulo I.

De reducírense as reivindicacións orzamentarias á situación actual non se faría máis que instalarse no conformismo, na aceptación de que a universidade seguirá ofrecendo servizos, en moitos casos, de ínfima calidade incluíndo tamén a aposta polo incremento da privatización porque as restricións que nos din que existen no Capítulo I non as hai no resto de capítulos do gasto e como as necesidades inmediatas hai que satisfacelas o camiño está trazado.

Indefectiblemente os que dirixen a Universidade teñen que ser conscientes do camiño polo que optan, réndense antes de dar a batalla e con esa rendición están marcando cal vai a ser o futuro inmediato da institución.

 

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript