Pois abondou poñer iso no xornal para que nos avisasen de que xa o ten, en concreto no CITIC.

Conséguese, deste xeito, a cuadratura do círculo. Xunto cos traballadores da institución irán instalándose sucesivas empresas ás que se lles irá asignando cada vez máis tarefas limitando as dos traballadores institucionais, así, pouco a pouco, a privatización farase total a non moi longo prazo.

Coincídese nestas actuacións coa dereita máis radical que fundamenta a súa política económica no desmantelamento da administración pública.

Tense que afinar o discurso. Por un lado reclámase da administración autonómica máis orzamento para que, como institución pública, se poida ofrecer un servizo da calidade que a sociedade demanda e por outro lado vaise deixando un regueiro de privatizacións.

Como se ve a coherencia brilla pola súa ausencia, outro detalle, nun PASquín anterior informábamos, tamén, de que se recorrera a convocatoria de auxiliares administrativos por quenda libre.

Dúas das razóns eran:

·         Que non contemplaba a posibilidade de que se presentasen maiores de 16 anos.

·         Que non establecía o tribunal.