Este señor que ten asegurada unha xubilación case coma túa (85,7 millóns de €) ameaza sen rubor ao Estado, ven a dicir que si o Goberno toma algunha medida parecida á de Alemaña, onde se aprobou unha taxa á banca para afrontar posibles “rescates”, pecharán a billa do creto.

Unha ameaza en toda regra. Despois de que se lles inxectaran centos de miles de millóns, que utilizaron para cadrar as súas contas de resultados e poder así, entre outras cousas, abordar esas xubilacións multimillonarias, non queren asumir a súa responsabilidade ante futuras insolvencias.

Amosan a súa capacidade de presión diante dun Goberno debilitado, sen capacidade de reacción e dependente dos ditames dos poderes económicos.

O Goberno ten unha solución, reclamarlles a devolución inmediata dos cartos e crear unha banca pública alternativa que posibilite unha xestión do diñeiro máis transparente e encamiñada á reactivación económica e á satifacción das necesidades dos cidadáns.

O que non pode, o Goberno, é ser o lacaio do capital, quen lle solucione a crise  a costa dos traballadores/as. Pero para iso tería que ser outro Goberno.