setembro de 2010
 
 

06/09/2010

   CUTUDC / Novidades

  ACTUALIDADE

Zapatero, e a fiscalidade?

Zapatero, o presidente da patronal, dos ricos, só subirá a fiscalidade ás rendas altas si se ve forzado polas negociacións dos orzamentos.”.

 

 

Desde logo non vai ser o PP, nin o PNV nin CIU quen llo reclame, seguro que o sangue non vai chegar ao río e non vai ser necesario.

O Goberno do Etado basea a súa política fiscal en gravar as rendas do traballo e nos impostos indirectos, (por certo que a recadación por IVE en Galicia crece en xullo un 543% ao subir o imposto) ,  rebaixando os impostos das grandes fortunas, patrimonios, e o de Sociedades, non combate a fraude fiscal, permite que os capitais se movan dun lado a outro, sen estar suxeitos a ningunha tributación sen tomar ningunha medida para eliminalos (pola contra, mantén as SICAV, que son un auténtico paraíso fiscal para as grandes fortunas)

Utilizaron o diñeiro recadado, esencialmente aos traballadores e traballadoras, para saír ao rescate dos grandes bancos, apoiando a economía especulativa e marxinando a economía produtiva, e con ela a creación de riqueza, nin se incrementou o gasto social imprescindible en épocas de recesión.

A política fiscal ten que xirar sobre o  criterio de progresividade (que pague máis o que máis ten).

 

* Hai que poñer os medios necesarios para loitar contra a economía somerxida (É ‘negro’ o 25% do diñeiro que se move cada ano en Galicia) e a fraude fiscal.

 

* Hai que acabar coas SICAV.

* Hai que controlar e penalizar coas taxas necesarias os movementos de capitais.

* Hai que apostar pola economía produtiva acabando cos movementos especulativos

* Hai que impoñer taxas aos bancos. Hai que crear, a través das caixas de aforro, unha banca pública no canto de privatizalas

* Hai que tomar partido polos traballadores/as e polos máis desposuídos activando o diñeiro recadado en políticas sociais. 

 

Indicou tamén, o presidente, que os presupostos “serán los convenientes”, como case todo en política esixe tomar opción, porque o que é bo para o capital case sempre é prexudicial para os traballadores.

Esta frase dita por un señor que sacou adiante a reforma laboral que precariza laboral e economicamente a situación dos traballadores/as que facilita e abarata o despido, que sacrificou aos traballadores/as para beneficio do capital máis voraz, non fai máis que poñernos sobre aviso do que nos ven enriba.

Para aclararnos aínda máis a situación Zapatero planea “Dous ou tres anos de reformas”

Os traballadores/as non temos opción, a este ataque de envergadura inédita só cabe unha resposta da mesma medida.

 

 

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript