No ano 2000 a porcentaxe de intermediación dos servizos públicos de emprego era do 16%, mentres  que nos sete primeiros meses deste ano foi o 2,9%.

As empresas de traballo temporal (ETT) aseguran que entre xaneiro e xuño as súas oficinas xestionaron o 12,9% do total de colocacións efectuadas entre xaneiro e xuño, segundo a patronal das grandes compañías deste sector (Agett).Mientras que neste primeiro semestre as colocacións xestionadas con éxito polos servizos públicos de emprego -isto é aquelas nos que os funcionarios son os únicos intermediarios entre a demanda e a oferta do posto de traballo- ascenderon a 164.901 (o 2,4% do total de colocacións rexistradas).

Dende Agett resaltan que, á luz destas cifras, as ETT intermedian 5,3 veces máis que os servizos públicos de emprego. E isto tendo en conta que as empresas de traballo temporal non intermedian nin no emprego indefinido (que representa arredor do 10% das colocacións) nin nos sectores da administración pública e a construción.

Isto pon de manifesto que as Oficinas Públicas de Colocación non cumpren co seu cometido. A xente ten que buscarse a vida laboral fóra desta intermediación.

Que as ETTs intermedien moito máis que as Oficinas Públicas de Colocación pon de manifesto a precarización á que se están a levar as novas contratacións.

Por un lado os empresarios xestionan poucos dos seus contratos a través das Oficinas Públicas de Colocación o que debilita a posición do traballador en todo o proceso de contratación e no exercicio laboral posterior.

O feito de que o traballador/a teña que atopar, por si mesmo, o traballo sitúao nun ámbito máis difícil á hora de que incluso as condicións propias do sector se lle apliquen no seu contrato forzándoo á aceptación de condicións leoninas na contratación.

Tamén se volve ao modelo de contratación de anos atrás onde o traballo se conseguía por intermediación familiar ou ,mediante a amizade(dime a quen coñeces e direiche que traballo tés) o que tamén provocaba as mesmas situacións diante do contrato ca as sinaladas con anterioridade. Este xeito de atopar o traballo leva consigo unha dependencia aínda maior. Como o posto de traballo se conseguiu a través dunha amizade o traballador contrae unha débeda co empregador que durará toda a súa vida laboral impedindo, polas circunstancias inherentes á propia contratación, a máis mínima resposta diante de calquera acción reivindicativa.

No mercado laboral tamén afecta a lei da oferta e da demanda, nesta situación de crise a demanda é moito maior ca oferta o que xa de por si é un terrible hándicap para quen busca traballo diso aprovéitanse os empresarios. Téñeno todo atado e ben atado.