A xunta comprométese ao realoxo dos afectados no mesmo contorno onde viven agora, mentres o Instituto Galego de Vivenda e Solo (IGVS) garantiu o realoxo temporal das dúas primeiras familias afectadas, ofreceulles instalarse nas vivendas que a Xunta ten en propiedade situadas a pouco máis dun quilómetro das casas nas que viven agora ou, pola contra, facerse cargo do aluguer fixado por lei para que os veciños escollan a vivenda "noutro lugar que prefiran".

O representante da Xunta comprometeuse a que non haberá ningún desaloxo mentres non se asine o acordo que se está a redactar, déronse un mes para rematar todo o procedemto.

O presidente da Asociación de Veciños, e representante dos afectados, Carlos Maceiras valora positivamente o acordado e indica que os veciños Están máis aliviados tras ver que o sentido común imperou

Aínda que o documento só compromete en principio ao IGVS, á espera de ver que sucede co resto de expropiacións que están en mans da consellería de Industria e do Concello da Coruña, espera que o resto das administracións tomen como referencia o documento pactado.

O importante é, agora, solucionar o problema para estas dúas familias cun desaloxo inminente.