O informe

 

Un informe inicial redactado por "técnicos " da Consellería establece que a morte foi produto dun cambio repentino das condicións do incendio motivado polo vento reinante na zona neses momentos.

Parece ser que según dito informe -de redacción pouco clara- a brigada chegou a unha pista forestal e comezou a traballar -o informe non parece aclarar cantos membros eran da brigada pero supoñerei que eran 5 en total-
O informe non o aclara pero deberon ser os primeiros en chegar....O xefe de brigada saíu a polo vehículo motobomba que estaba chegando ....deixando a brigada traballando na pista forestal supoño que ladeira arriba do lume que subía . Minutos despois un membro da brigada saíu a mover o coche que corría perigo pola evolución do lume.

Parece ser que os membros da brigada -que debían estar agardando a que chegara o vehículo motobomba- foron sorprendidos por unha lingua de lume que fixo que unha parte da brigada lograse cruzar ó queimado pero os compañeiros falecidos non puideron facelo e ó non ter contacto coa brigada intentaron fuxir monte arriba.....e o resto xa o coñecedes.

Debemos agardar a que se faga un informe definitivo e serio que aclare qué pasou porque este informe inicial está mal redactado, feito ás presas, sen aclarar moitos aspectos da secuencia dos feitos o que da lugar a confusión.....

 

Sebastián

 

A situación na que desenvolven o traballo:

 

Ola por dicir algo, quería comentar que levo traballando dende o 2002 nos lumes na Xunta, en Seaga, nunha mancomunida, no grumir, xa fun interino 9 meses na Xunta e estiben en brigadas de terra e helitransportadas comario e toen 2 veces en cada unha respectivamente e cun montón de cursos relacionados cos lumes e primeiros auxilios.

Dicir que os cursos feitos relacionados cos incendios non valen pra nada á hora de que te contraten, non se valora a experiencia coma se tiña que valorar, non se nos da continuidade nas mesmas brigadas que xa nos coñecemos como traballabamos e demais.

Se nos da moitas veces material usado inadecuado e insuficiente para levar as tarefas de extinción e prevención de incendios:

Mascarillas de papel, un botiquin individual por brigada, unha funda só no que levamos de verán, non temos nin queimadores para poder facer un bo contralume cando e necesario, nin unha mísera manta ignífuga que costa 350 miserables euros (que son 350 euros contra a vida dunha persoa), nin lanternas adecuadas para poder traballar de noite no lume e nin pilas de reposto, tampouco se nos facilitou este ano pantallas para non queimarnos co lume cando estamos traballando con batelumes sen unha pinga de auga.

Por outro lado tamén dicir que se nos están facendo facer mais de 12 horas nalgúns lumes por non ter medios suficientes e moitas brigadas helitransportadas están quedando so tiradas nos lumes e ter que volver en coches e chegando a facer moitas veces entre viaxes e demais mais de 17 horas.

Por ultimo dicir que no mes de xuño, a finais, estabamos no meu caso no distrito XI nun turno de tarde dúas brigadas da Xunta e unha de Seaga e só eramos 9 persoas parécevos lóxico tendo algún día 4 lumes, menos mal que non foron seguidos.

Como non se cobren a maioría das baixas e vacacións do persoal da Xunta. É lóxico que veña unha brigada ó lume cos dous membros do reten ou teñan que Xuntar dúas nunha e inda así non vir nin 5 persoas?

Creedes que é a forma de que esteamos as brigadas?

Creedes que son os medios materiais adecuados?

Creedes que se pode primar a un corredor nato que a un traballador formado e con experiencia?

Creedes que e a mellor forma contratando moitas veces o estudante de turno sen experiencia ningunha?

Cando nos daremos de conta todos xa sexamos de SEAGA ou da XUNTA que isto non pode seguir así que todos somos persoas, non se pode xogar ca xente por catro cadelas gañadas en dous ou tres meses e xogar ca miseria da pobre xente.

 

Roi.

 

A prevención 

O colectivo ecoloxista  Verdegaia fixo pública, semanas antes de se consumar este drama, unha análise sobre esta problemática, reiterando a pouca atención institucional sobre o traballo preventivo.