09/08/2010
CUTUDC / Novidades
ACTUALIDADE
O Burgo volve á UE
Trinta asociacións chegan ó Parlamento europeo para que investigue as verteduras do ecosistema coruñés e obrigue ó seu saneamento ante a "pasividade" das administracións.
-
Noticias relacionadas
A ría do Burgo
volve a Europa.
Cun proceso de
infracción
aberto pola
ausencia dunha
depuradora que
trate as augas
residuais da
comarca
coruñesa e dun
plan
hidrolóxico da
conca
Galicia-Costa,
as trinta
organizacións
agrupadas na
Plataforma en
Defensa da Ría
do Burgo
decidiron
presentar onte
unha queixa
ante o
Parlamento da
UE para
denunciar o
grave episodio
de
contaminación
que sofre o
ecosistema, que
supón "un risco
para a vida
humana, o medio
e a riqueza
marisqueira".
No escrito
presentado ante
a Comisión de
Peticións da
Cámara, a
Plataforma
cidadá pídelle
á UE que
investigue as
verteduras da
ría, así como a
"pasividade"
das
administracións
-Goberno
central, Xunta
e concellos da
contorna- para
acabar con elas.
Os denunciantes
recordan que
actualmente hai
detectados máis
de 80 puntos de
vertedura,
entre os
urbanos -os
concellos da
Coruña, Oleiros,
Cambre e
Culleredo
emiten
directamente as
súas augas
residuais á
ría- e os
industriais,
con empresas
como Bunge ou o
matadoiro
Fricosa
depositando os
seus residuos
sen ningún tipo
de tratamento e
carecendo de
conexión ó
sumidoiro das
redes
municipais.
Dende a
Plataforma
apúntase
ademais a que
se están
incumprindo ata
tres normativas
comunitarias
relacionadas
coa calidade
das augas e
esixe que se
impoñan
sancións ós
causantes
directos e
indirectos das
verteduras. "Dende
1986 levamos
escoitando
promesas de
saneamento da
ría do Burgo
que, ata o de
agora, só
serviron para
encher xornais
e panfletos
electorais,
mentres os
lodos
contaminantes
ían
acumulándose
até chegar aos
Goberno central, Xunta e Concellos, responsables
O enfrontamento
entre o
Ministerio de
Medio Ambiente
e o
departamento
homólogo da
Xunta mantén
paralizado o
saneamento
integral da
ría, a pesar de
que os
orzamentos
deste ano
recollen unha
partida
monetaria con
este fin. A
consellería que
dirixe Agustín
Hernández é a
encargada de
elaborar un
proxecto para
tratar os
residuos que,
segundo o
Ministerio, é a
peza
indispensable
para que este
departamento
poña en marcha
o dragado. A
esta falta de
acordo
súmaselle o
atraso na
execución da
depuradora de
Bens, aínda sen
data de inicio
despois de
sufrir varios
adiamentos. A
Coruña
convértese así
na única cidade
de máis de
200.000
habitantes de
todo o Estado
que non conta
cunha EDAR para
tratar as súas
augas residuais,
situación pola
que a UE ten
aberto unha
investigación
que podería
derivar en
sancións como a
decidida en
2005 pola ría
de Vigo. A
responsabilidade
chega tamén á
administración
local xa que,
tal e como
esgrimen dende
a Plataforma,
os concellos
limítrofes non
fixeron nada
para forzar a
posta en marcha
da depuradora
nin adaptaron a
súa rede de
sumidoiros.
Á vista de
todas as
"irregularidades",
ademais de
esixir o
saneamento
integral da ría
de forma
inmediata,
dende a
Plataforma
reivindican que
se cumpra a
normativa
ambiental, se
sancione ós
responsables
das verteduras
e se pidan
responsabilidades
políticas.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript