Moit@s traballador@s depositar@n a súa confianza en que o paso do PSOE polo goberno modificaría dun xeito substancial a situación socio-laboral, devolvendo os dereitos que no seu día o PP (e o propio PSOE) nos expropiaran. Mesmo algún sindicato atopou, coa ocupación da poltrona estatal polo PSOE, a escusa para desconvocar a folga fantasma que convocara en Galiza.

O tránsito do partido “progresista” polo goberno, a pesares do apoio dos sindicatos do sistema non deu satisfacción ás expectativas  que nalgúns sindicatos conciliara. Un exemplo máis disto que falamos atopámolo no BOE do venres, día 1 de marzo, que publicou unha resolución do Ministerio de Política Territorial e Función Pública pola que se ditan instrucións sobre xornada e horarios de traballo do persoal ao servizo da Administración Xeral do Estado (AGE) e os seus organismos públicos.

Na resolución establécese:

2. Normas sobre calendario laboral

“2.4 O calendario laboral haberá de respectar, en todo caso:

a) A duración da xornada xeral, establecida en 37 horas e media semanais...”

Circunstancias como a que subliñamos confirman o que sempre manifestamos:

Goberne quen goberne, os nosos dereitos conquístanse e deféndense coa nosa organización e loita.