Non transcorre nin un só día sen que as estatísticas poñan a España  no candeeiro. Esta semana tocoulle á Organización Internacional do Traballo, máis coñecida  polas siglas  OIT, que nun informe dedicado ás perspectivas sociais do emprego mundial, sinalou a España  por ser  campioa da temporalidade laboral e da escasa duración deste tipo de contratos.

O estudo da OIT pon de manifesto que dos contratos laborais correspondentes a 18 países europeos, España é o que presenta unha maior porcentaxe de contratos cunha duración inferior a seis meses. Séguenlle a continuación Croacia e Italia.

A  OIT indica,  por outra banda, que a nivel mundial, 700 millóns de persoas viven en situación de pobreza extrema ou moderada a pesar de ter un emprego.

A Organización Internacional do Traballo puxo de relevo o rechamante do  caso de España, onde o aumento da porcentaxe de traballadores temporais creceu notoriamente  no curso dos últimos anos.

ESPAÑA NO CONTEXTO EUROPEO

A análise rexional de Europa , con datos de 18 países, sitúa a España como o país cun maior peso dos contratos temporais de menor duración, inferiores aos seis meses. A porcentaxe de España sitúase preto do 60% do total de contratos temporais fronte ao 15% de Alemaña, que é  a taxa máis reducida.

Por outra banda, o  informe  detense na descrición das  malas condicións de traballo como "o gran problema do emprego no mundo". A pesar da redución do número de desempregados está a reducirse, con 172 millóns de parados no mundo en 2018 , esta caída "non vai acompañada de melloras da calidade do traballo".

Entre as fórmulas de traballo que poden considerarse precarias, a OIT  sinala a temporalidade e a parcialidade, especialmente as non desexadas. É dicir, os traballadores empregados con contratos temporais e/ou con xornadas reducidas porque non atopan un posto fixo e/ou a tempo completo.

ESPAÑA, CAMPIOA EN CONTRATOS DE MENOS DE 6 MESES

Segundo esta organización internacional, a proporción de traballadores temporais respecto ao total do emprego está a aumentar significativamente en España, onde alcanzou o 26,8% en 2017, o valor máis alto desde 2008. Aínda que tamén presentan a mesma evolución á alza en Francia (16,8% en 2017), Italia (15,5%) e os Países Baixos (21,7%).

Na súa análise de 18 países europeos, con datos de 2017, España sitúase como aquel no que existe o  maior número de contratos de duración inferior aos seis meses respecto ao total dos contratos temporais.

"Os contratos de traballo temporais que duraron seis meses ou menos representaron máis da metade de todos os contratos temporais en Bélxica, Finlandia, Italia e España" , salienta o estudo. En España e Croacia, a porcentaxe achégase ao 60%, segundo mostra o gráfico que inclúe a publicación  da OIT

http://canarias-semanal.org/art/24590/segun-la-oit-espana-campeona-europea-de-la-temporalidad-laboral