O pasado venres, convocados pola Xerencia, os sindicatos que acordaron a convocatoria de eleccións nas tres universidades galegas e APA que ten máis do 10% de representación na UDC, reunímonos para facer a programación definitiva do procedemento que finalizará o vindeiro 09/05 coa votación.

O calendario negociado entre as centrais sindicais estase a cumprir, o pasado día 7 presentouse na OPR o preaviso.

O vindeiro día 7 de marzo constituiranse as mesas coordinadoras e o 24 de abril as mesas parciais.

No que se refire ao PAS repetirase o mesmo procedemento que o utilizado nas eleccións sindicais do ano 2015.

Mesas electorais:

o   Campus de Ferrol

o   Campus da Coruña (Elviña, A Zapateira, Oza e Bastiagueiro)

o   Mesa Coordinadora que será á súa vez mesa parcial na que votarán @s traballador@s da Reitoría e Riazor.

Correo remitido pola Xerencia para a votación do ano 2015

O luns, día 18 trasladaránselle á Xerencia os acordos adoptados na reunión que as centrais sindicais e APA adoptamos na reunión que realizamos despois de reunirnos coa Xerencia.

Páxina da Universidade que recolle o proceso de eleccións sindicais do ano 2015

Seguiremos informando