@s traballador@s da CRTVG seguen mobilizándose todos os venres, este foi o 36, para reivindicar uns medios públicos de comunicación ao servizo da sociedade e non de quen goberne en cada momento na Xunta, tamén para protestar contra o desmantelamento progresivo que o PP está a realizar na radio e televisión de Galiza. Esencialmente por estes motivos, desde hai oito meses, na CRTVG os venres son negros, @s traballador@s realizan a súa actividade cotiá vestd@s de negro para evidenciar publicamente as súas reivindicacións.

A empresa responde coa apertura de expedientes e co cambio das condicións de traballo dalgunh@s traballador@s que se significaron na mobilización. Ao expediente aberto á xornalista e presentadora Tati Moyano, finalmente arquivado, únese o aberto ao locutor Carlos Jiménez  e o cambio das condicións de traballo á xornalista e presentadora Ana Pérez que forzaron a súa renuncia a presentar o informativo Bos Días.

Á coacción da empresa @s traballador@s do ente responden con máis mobilización e solidariedade, reclaman o cese da dirección da CRTVG advertindo que a mobilización non vai parar!

Noticias relacionadas

Persoal da CRTVG cumpre oito meses de loito contra o "desmantelamento" e a "manipulación"