A Xunta de Persoal ven de convocar unha reunión o vindeiro martes, día 22, coa finalidade, entre outras cousas, de analizar as propostas que a Xerencia remitiu e que vos xuntamos. Posteriormente, ás 12 horas realizarase a reunión co xerente.

Propostas

Xornada, horario de traballo, vacacións e concesión de permisos e licenzas

Segundo o que se sinala no correo remitido polo xerente, trataríase de realizar “correccións de forma e de erros materiais” coa finalidade de publicalo no mes de xaneiro.

No texto remitido non se contempla a recuperación da xornada de 35 horas, cuestión que para nós é condición imprescindible. Daremos batalla neste sentido. Cando nas outras universidades consolidan a recuperación da xornada previa aos recortes realizados no ano 2012, non podemos consentir que esta universidade, nesta resolución, só contemple concesións das traballadoras e traballadores. Se agora non recuperamos a xornada de 35 horas de traballo á semana non a recuperaremos nunca!.

Proposta de Oferta de Emprego Público (OEP) de estabilización do Persoal de Administración e Servizos (PAS) da Universidade da Coruña (UDC)

Non entendemos porque, se a Lei de Orzamentos Xerais o Estado de 2018 establece literalmente, (como no texto remitido está algo embarullado reproducimos o que se pode ler na Lei):

“9. Ademais do establecido no artigo 19.un.6 da Lei 3/2017, do 27 de xuño, de orzamentos xerais do Estado para o ano 2017, autorízase unha taxa adicional para a estabilización de emprego temporal que incluirá as prazas de natureza estrutural que, estando dotadas orzamentariamente, estivesen ocupadas de forma temporal e ininterrompidamente ao menos nos tres anos anteriores ao 31 de decembro de 2017”

Se recorra a unha interpretación para acomodar ese marco temporal á data 31-09-2017, que repercute de xeito directo, e negativamente, no cómputo dos tres anos de traballo ininterrompido.

Tamén temos dúbidas de que se contemplen todos os postos susceptibles de se computar. Parécenos que deberían aparecer, ademais dos sinalados os seguintes:

Acordo entre o reitor da universidade da Coruña e a Xunta de Persoal de PAS para o aboamento dunha gratificación por xubilación á idade legal, así como unha axuda familiar por falecemento e/ou incapacidade definitiva que supoña a ruptura da prestación de servizos coa Universidade da Coruña e dunha axuda por fillos/as do pas con diversidade funcional igual ou superior ao 33%.

Que substituiría á que está en vigor desde o ano 2010, ampliando as coberturas.

O xerente esqueceu, unha vez máis, o proceso de promocións acordado para o ano 2018. Non consentiremos máis retraso.