Un día como hoxe, o 15 de xaneiro 1919 en Alemaña, o chanceler socialdemócrata alemán, Friedrich Ebert, asasinou a dúas grandes figuras da Revolución Alemá: a Rosa Luxemburgo e Karl Liebknecht, porque encabezaron, mediante a organización revolucionaria “ESPARTACO”, a rebelión heroica dos obreiros alemáns contra o traidor da clase obreira, o socialdemócrata Friedrich Ebert e a plutocracia alemá.

Rosa Luxemburgo foi asasinada e logo o seu corpo foi lanzado a un río de Berlín. Karl Liebknecht foi executado cunha bala na cabeza.

A clase obreira mundial, desde 1919 ata hoxe en día, rende homenaxe aos mortos heroicos que deron a súa vida á Revolución Alemá e condena ao chanceler Friedrich Ebert que deu a orde ao ministro de defensa Gustav Noske que non dubidou en executala.

Para a FSM e o movemento sindical obreiro de clase, Rosa Luxemburgo e Karl Liebknecht vivirán para sempre. Do mesmo xeito que o chanceler reformista e asasino Friedrich Ebert merecerá o noso desdén, debido a que co seu accionar contrarrevolucionario achandou o camiño a Hitler. Por moitos esforzos que fagan os reformistas contemporáneos da Fundación Friedrich Ebert (FES), non poden desfacerse da deshonra. Porque, na actualidade tamén, as súas metas son as mesmas: sementar o reformismo entre os e as traballadoras, corromper a sindicalistas e impulsar a teoría socialdemócrata do rescate do capitalismo e da explotación.

O noso deber é ensinar e ser ensinados pola historia, desenmascarar, hoxe tamén, o papel sucio da Fundación Friedrich Ebert. Isto é o que impón o interese da clase obreira mundial.

O Secretariado