35 semanas levan de mobilizacións as traballadoras e traballadores da CRTVG e os que mandan nesta casa non recúan e continúan manipulando e desmantelando. A prepotencia e a imposición segue a ser a maneira de actuar dos monicreques que Feijoo colocou na radio e televisión públicas, un modelo de xestión destinado a rematar co servizo público, descuartizándoo dun xeito paulatino mediante a redución dos servizos, a desprofesionalización e a manipulación dos contidos.

Para conseguir o obxectivo non dubidan en utilizar a represión, como unha arma máis contra a mobilización das traballadoras. Liquidación de programas, apertura de expedientes disciplinarios... coa finalidade de liquidar a resistencia.

As compañeiras da CRTVG téñeno moi claro, se a dirección do ente non cambia o rumbo, elas non paralizarán as mobilizacións.