No anterior PASquín informabamos da convocatoria dunha folga gradual na CRVG que arrancará este mes de novembro, durante os días 20, 22, 24, 26, 28 e 30 e tamén o 2 de decembro. Nesta primeira etapa afolga materializarse en paros de 2 horas por quenda, afectando a todas as quendas. Posteriormente, xa en decembro, a protesta ampliarase á folga de 24 horas, que será convocada para o mércores 19 de decembro, xornada na que se realizará unha manifestación cuxo percorrido e horario está aínda por determinar. O sábado desa mesma semana, 22 de decembro, día da lotería estatal, as traballadoras que prestan servizos na quenda de fin de semana tamén estarán convocadas a parar (na proporcionalidade horaria dunha xornada de folga de 24 horas que lle corresponde a esta quenda especial).

Agora o comité de folga comunica que as “negociacións” coa empresa para o establecemento dos servizos mínimos remataron sen acordo na tarde do día 15 de novembro. A empresa envioulle o día 16 á Xunta o listado numérico de efectivos convocados para prestar servizos mínimos en cada categoría. Como moi tarde o luns publicaranse no DOG. Ese mesmo día coñecemos a listaxe nominal. Queda pendente a negociación dos mínimos para as xornadas de folga de 24 horas e 6 horas de decembro.