Esta mañá Boro LH recibiu a sentenza que o absolve de todos os cargos no caso de "Xaque á Monarquía". Tras estes 4 anos e medio de loita quedou demostrado o que tantas veces dixemos desde aquela tarde: que Boro LH non agredira a ninguén, que foi el e o resto de xornalistas presentes naquel momento os que foron vítimas da violencia e a brutalidade policial. Que aquel día o que houbo foi un descarado ataque á liberdade de prensa e ao xornalismo crítico.

Despois dun longo proceso, o pasado 3 de outubro celebrouse por fin o xuízo para o que inicialmente pedían unha pena de 6 anos e 6.200 € de indemnización. Segundo recolle a sentenza, non quedou acreditado nin fundamentado en nin unha soa proba que o noso compañeiro agredise a ninguén, e establece que o relato e a palabra dos axentes non poden ser suficientes para vulnerar o dereito de presunción de inocencia se non hai nin unha soa proba. Céntrase tamén nas graves contradicións expresadas por estes policías durante o xuízo, con como ocorreron os feitos e coas inexactitudes sobre as súas supostas lesións, Fundamenta tamén a súa decisión de absolver ao xornalista coa visualización dun dos vídeos e o testemuño da persoa que o gravou. Así que, desta maneira o tribunal absolve a Jorge Correa, máis coñecido como Boro LH, do delito de atentado á autoridade e dos dous delitos de lesións que lle imputaban.

Lembramos que a fiscalía ten agora 10 días para presentar recurso contra esta decisión, aínda que confiamos en que non sexa recorrida, dada a esmagadora forma en a que se desmontou a montaxe durante o xuízo.

Ademais Boro LH ten, doutra banda, unha condena de ano e medio de prisión por enaltecemento do terrorismo como consecuencia da súa detención na Operación Araña II, actualmente está recorréndoa ao Tribunal Supremo e seguirá loitando pola súa absolución total tamén neste outro caso contra a liberdade de expresión.

Nada máis coñecer a noticia o xornalista escribiu este fío en twitter:

Nos próximos días faremos unha valoración máis extensa sobre este proceso e a sentenza, de momento hoxe en La Haine estamos de parabén. Moitas grazas a todas e cada unha das persoas que dunha maneira ou outra axudaron a facer fronte a esta descarada montaxe policial. Sentimos toneladas de solidariedade e iso sen dúbida, foi  a mellor parte de todo este proceso. 

NINGUNHA MORDAZA NOS VAI A TAPAR A BOCA!

Texto completo en: https://www.lahaine.org/fM0R