VERDADE:

o   Pazo de Meirás é un roubo ao pobo de Meirás, ao concello de Sada, ao pobo galego.

o   O roubo fíxose polo ditador Francisco Franco, quen tomou posesión do pazo fisicamente o 8 de decembro de 1937.

o   Hai, polo tanto, unha longa historia de aldraxe e rexeitamento do pobo de Galicia contra a propiedade do pazo de Meirás pola familia Franco.

o   Trala morte do ditador en 1975, concretamente o 26 de novembro dese ano o rei entón de España, Juan Carlos I, concédelle o título de Ducado de Franco a María del Carmen Franco y Polo, e cando morre ésta 0 29 de decembro de 2017, pasa o título á súa filla, Carmen Martínez-Bordíu, concesión que foi asinada polo entón ministro de xustiza Rafael Catalá, no último día da lexislatura do seu mandato.

o   En agosto de 2007, o concello de Sada solicita a declaración como BIC (Ben de Interese Cultural) ao Pazo de Meirás, atendendo ao especial contido histórico e cultural que ten o Pazo, que antes do seu espolio por Franco fóra propiedade da familia da escritora Emilia Pardo Bazán.

o   En decembro de 2008 o Pazo de Meirás foi declarado BIC (Ben de Interese Cultural) pola Xunta de Galicia, impoñendo á familia Franco a obrigatoriedade de abrir o Pazo para o público alomenos catro días cada mes.

o   Obriga que, en todos os meses de agosto, a familia Franco negóuse a cumprir, aducindo que “estaban de vacacións”. Prácticamente a familia só usa o pazo para facerse fotos para a prensa do corazón, para facer bodorrios e festas.

o   Logo de moitas mobilizacións cidadás, logo de moitas batallas, recentemente fíxéronse públicos dous informes Xurídico-Históricos, ún feito a instancia da Deputación da Coruña, e outro a instancia do Parlamento de Galicia, nos cáis acredítase que a detención da propiedade do Pazo de Meirás por parte da familia Franco é foito dunha serie de ilegalidades que veñen da existencia dunha simulación de compravenda do mesmo, que inhabilita a lexitimidade da propiedade do Pazo de Meirás por parte da familia Franco.

o   11 de xullo de 2018, os votos dos catro grupos do Parlamento galego uníronse a un pacto de mínimos cun argumento común: reclamar ao Goberno de España, a administración con competencias para facelo, emprender as accións legais que correspondan para botar a familia Franco do Pazo de Meirás, e procurar facelo, ademáis, sen que isto implique compensar económicamente con diñeiro público aos herdeiros do ditador.

o   A familia Franco, mentras tanto, non fica queda: pón á venda polo ridículo prezo de 8 millóns de euros o Pazo de Meirás nunha inmobiliaria, e tamén fai un esforzo para entorpecer o proceso de recuperación do Pazo cando ún dos herdeiros vende a súa parte da herdanza do Pazo a unha empresa da súa propiedade.

o   xisten contactos coa Dirección Xeral de Memoria Histórica do goberno de España, e deses contactos, temos a información de que o Director Xeral do antedito organismo ten encargado ao servizo xurídico do ministerio de referencia un estudo sobre as posibilidades de denuncia á familia Franco para que se vaian do Pazo, así como o estudo da situación financeira dos herdeiros do ditador por parte de Facenda.

XUSTIZA:

o   É totalmente inimaxinable que nunha democracia se honre á familia dun ditador coa propiedade de ningúnha facenda.

o   É algo que está de toda fora lóxica, o premiar á familia dun xenocida sanguinario coma Francisco Franco con todo un pazo que foi declarado BIC (Ben de Interese Cultural).

o   En Alemania a ninguén se lle ocorre doarlle á familia de Adolf Hitler un castelo para que pase as vacacións.

o   En Italia pasa algo parecido coa familia de Benito Mussolini, tampouco a ninguén se lle pasa pola cabeza distinguir á descendencia do ditador cun título nobiliario.

o   Prodúcese unha inxustiza grandísima ao distinguir con honras e premiar á familia dun dos peores ditadores da humanidade.

o   Lembremos que o estado español, con máis de 150.000 desaparecidxs, ocupa o segundo lugar, tras Camboia, entre todos os países do mundo en número de desaparecidos.

o   E lembremos tamén que todo foi debido a un golpe de estado contra a legalidade constitucional da II República, golpe de estado liderado por Francisco Franco.

o   E lembremos que tras unha transición que non foi nada modélica, os descendentes do franquismo, mesmo os seus herdeiros físicos, non perderon nin un peso dos que agora está suficientemente acreditado que foi roubado por Franco.

o   Polo que se produce un auténtico fraude democrático ao permitir que sexa a familia do ditador quen desfrute gratuitamente do roubado polo seu parente.

o   Fraude democrático que fai baixar a calidade da democracia do estado español.

REPARACIÓN

o   Non hai outro medio de reparar os danos motivados pola presenza dos Franco en Meirás que a súa devolución ao patrimonio público.

o   É difícil compensar ás persoas que perderon as súas propiedades inxustamente para que o ditador puidera montar o seu pazo para as súas vacacións estivais.

o   Pero non sobraría un estudo das administracións para que as persoas que foron perxudicadas -mesmo no seu patrimonio persoal e/ou familiar-, sexan compensadas, na medida do posible, polos danos recibidos.

o   Pero un primeiro paso sería o non aceptar outra saída que a familia Franco marche de Meirás.

o   As administracións públicas teñen a obriga de vear polo cumprimento das leis e polos dereitos das administradas.

o   Cousa que, desde que Franco espoliou o Pazo, non se veu en Meirás.

o   Hora era xa de que o Parlamento galego UNÁNIMEMENTE, aprobara unha declaración que supón o primeiro chanzo cara a reparación dos danos feitos, pedindo a devoluición gratuita do Pazo de Meirás ao patrimonio público.

o   Hora é, daquela, de que a administración que ten as compentencias para facelo, que é o Goberno de España, se poña as pilas, e faga o necesario para botar a familia Franco do Pazo de Meirás.

o   Afortunadamente, xa está o goberno mandando actuar á avogacia do Estado para estudar a forma xurídicamente correcta de que a familia Franco deixe o pazo de Meirás e sexa o patrimonio público quen o administre.

o   Da fermosa terra de Meirás, da fermosa terra de Sada, da fermosa terra galega, no sobra ninguén…

o   …perdón, CASE niguén… mentras teñan a propiedade do Pazo de Meirás, únicamente sobra a Familia Franco!

o   E, cando non o teñan, serán benvidas, como turistas que desfrutan da nosa terra… pero iso sí, que se paguen eles os hoteis e restaurantes que visiten.

…E GARANTÍAS DE NON REPETICIÓN

o   Tampouco é moito pedir que as Administracións garantan que estas desfeitas non se repitan nunca máis.

o   Pensamos que é un dereito democrático da cidadanía.

o   Por exemplo, antes falabamos de que en Alemania e en Italia non se poden honrar aos seus respectivos ditadores.

o   Iso é porque hai leis que así o impiden, e quen o faga, será perseguido xudicialmente e tratado como un delincuente.

o   Algo parecido pódese facer no estado español. Por exemplo, ilegalizando a organizacións fascistas como a Fundación Nacional Francisco Franco.

o   Organización, que é a encargada de xestionar as visitas como BIC ao Pazo de Meirás. Si, xa sei o que todas pensades. O raposo gardando as galiñas.

o   Organización que defende, exalta, e fai apoloxía do franquismo e do xeneral Franco, cousa que debería de estar prohibica nunha democracia.

o   E tamén as Administracións poderían facer o posible para que a historia do franquismo, da guerra civil, da posguerra e da represión franquista se coñeza, mesmo desde os niveis educativos máis primarios.

o   Para que as vindeiras xeracións se eduquen en valores de paz, de concordia, de tolerancia e de respecto.

o   Estas son as verdadeiras garantías de Non Repetición: ilegalizar a quen faga apoloxía do franquismo (FNFF) e educación contra o franquismo.

DEVOLUCIÓN DO PAZO DE MEIRÁS AO PATRIMONIO PÚBLICO!

Convocan:

o    Acción Antifastista

o    Agrupaçom Cultural ‘O Facho’

o    A Oliveira de Teo

o    Alternativa dos Veciños de Oleiros

o    Anova

o    Asemblea Republicana de Vigo

o    Asociación Cultural Alexandre Bóveda

o    Asociación Cultural “Obradoiro da Historia” de Ordes

o    Asociación Cultural ‘O Galo’

o    Asociación Cultural Suárez Picallo

o    Asociación Cultural Vagalumes de Tabeirós/Terra de Montes

o    Asociación de Veciñas de Eirís

o    Asociación de Veciñas de Monte Alto

o    Asociacións de Veciñas do Castrillón – Urbanización Soto

o    Asociación Viguesa pola Memoria do 36

o    Asociación pola Recuperación da Memoria Histórica de Marín

o    Bloque Nacionalista Galego

o    Confederación Intersindical Galega – CIG

o    Comisión pola Recuperación da Memoria Histórica do Barbanza

o    Comisión pola Recuperación da Memoria Histórica da Coruña

o    Comisións Obreiras – CC.OO

o    Defensa do Común

o    Central Unitaria de Traballadores – CUT

o    En Marea

o    Esquerda Unida

o    Fórum Própolis

o    Marea Atlántica

o    Partido Comunista de Galicia

o    Podemos

o    PSOE/PSdeG

o    Riazor Blues

o    Unión General de Traballadores – UGT

o    Xuventudes Comunistas de Galicia