26/07/2010
CUTUDC / Novidades
ACTUALIDADE
Investigadores en defensa do benestar social
Co agravamento da crise e a chegada do fin de curso, a Universidade e a comunidade investigadora mostraron alternativas ideolóxicas á crise provocada polo capital.
"As medidas que se están a adoptar non permitirán resolver a crise porque só se encamiñan a facilitar que os de por si máis privilexiados, obteñan máis comodamente os seus beneficios", así de contundentes móstranse os máis de 1.500 profesores universitarios de todo o Estado que subscribiron o manifesto Universitarios contra a Crise no que reivindican unha toma de conciencia da sociedade e máis debate de ideas.
-
Noticias relacionadas
En lugar dunha deliberación, lamentan, predomina a imposición "porque os
poderes financeiros e económicos se impoñen continuamente ás
institucións representativas", o que supón unha ameaza real
para o poder soberano depositado nas institucións
democráticas. Quérese facer crer á cidadanía que as medidas
adoptadas, as consignadas polas grandes corporacións e as
burocracias europeas, son as únicas posibles. "Hai outras
saídas á crise moito máis eficaces e favorables para o
benestar", sosteñen.
Somos conscientes da dificultade de tomar hoxe en día medidas diferentes ás
que propoñen a patronal e os grandes
financeiros. Pero a experiencia tamén nos
ensina que cando a cidadanía se empodera e
coñece ben o que pasa ao seu arredor é capaz de
influír e de torcer as decisións que lle
obrigan a ir polos camiños que non desexa
transitar", explican.
Os asinantes defenden unha reforma profunda do sistema financeiro
responsable da crise e o modelo público de
banca como motor de investimento que permita
xerar emprego. Tamén arremeten contra unha
reforma laboral elaborada "co propósito
principal de debilitar o poder de negociación
dos traballadores".
"Tratar de saír da crise reducindo os salarios e as rendas da maioría da
poboación é como querer saír do burato
tirándose dos pelos", aseguran. En paralelo
aprobáronse outros textos como o Manifesto pola
Conservación da Biodiversidade que denuncia a
"insostenibilidad do modelo produtivo,
económico e territorial actual", ou a
declaración de expertos subscrita por varias
universidades de todo o mundo, que sinala a
ameaza para o interese público do Acordo Contra
a Falsificación Comercial (ACTA) que negocian
as principais potencias para endurecer a
lexislación antipirataría de forma similar a
como se intentou facer aquí coa Lei de
Desenvolvemento Sostible.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript