Número 41 - 26 de xullo de 2010

Dinnos que a banca superou con éxito un test de estrés, unha especie de investigación sobre os seus números. Hai decenas de analistas e economistas que cuestionan a forma en que se fixo esta análise, pero antes de todo iso, hai que recordar os 260.000 millóns de euros de diñeiro público que recibiu o negocio dos bancos para que "non" caese o sistema". É coma se a unha carnizaría en quebra o Estado lle dese un millón de euros, e ao cabo dos meses se lle fixese un test de estrés, o resultado podería ser algo así como "vender, o que se di vender carne, non venden, pero o negocio está saneado".
Xornal Insurgente

UNIVERSIDADE

2010

Unha vez máis constátase a diferencia de tratamento dos asuntos (PAS laboral-PAS funcionario) que fai a xerencia. Mentres que as convocatorias de PAS funcionario progresan axeitadamente, as do PAS laboral durmen no limbo. Tratar diferente aos dous colectivos non lle servíu a Meilán, tampouco lle servirá ao sr. Barja.

Unha vez máis o Consello de Goberno consolida unha situación de desigualdade entre as partes que conformamos a Comunidade Universitaria, mentres que para o PAS raciónanse as prazas e os cartos, as limitacións para o PDI non existen (convértense 7 prazas do programa Isidro Parga Pondal en prazas de PDI fóra do POD).

Ir á noticia

ACTUALIDADE

Tamén o dí Gabilondo: "o réxime en que vivimos é unha ditadura"

O link pasóunolo un de vós. Trátase de Iñaki Gabilondo, é unha opinión coa que despide a tempada do seu programa en CNN+. Ao longo da reflexión, o xornalista remata dicindo: Somos súbditos dos mercados, o réxime en que vivimos é unha ditadura; unha ditadura moi particular, unha ditadura disfrazada coas roupaxes da democracia, pero unha ditadura".

ORZAMENTOS

Os orzamentos da Xunta terán unha redución de 950 millóns

As previsións coas que a Xunta de Galicia está a redactar os orzamentos para o 2011 inclúen unha redución do gasto non financeiro de case 950 millóns de euros, un 8,6 por cento, co que se situará nos 10.107 millóns tal e como avanzou este luns a conselleira de Facenda, Marta Fernández Currás.

Ir á noticia

Ao 70% dos españois gustaríalles traballar como funcionarios

A directora de mercadotecnia de Monster para España, Verónica Miló, explicou nun comunicado que a pesar das recentes rebaixas salariais, para moitas persoas "traballar como funcionario é sinónimo dun emprego con múltiples vantaxes, sobre todo para quen ten familia e quere conciliar ao máximo a súa vida laboral e persoal."

Entón porqué tanta animadversión?.

Artigo

A contradición permanente

Recortes sociais pero 356.000 euros en fogos de artificio

Serán, pois, 8 noites de pirotecnia cun custe de máis de 356.000 euros. a mesma semana que a Xunta e o Estado anuncian recortes no investimento público.

Ir á noticia

Últimas convocatorias nas Universidades da Coruña Santiago e Vigo

Últimas convocatorias de prazas nas universidades galegas

Convocatorias

GALEGO

A RAG e a Mesa recorren o decreto de plurilingüismo da Xunta

A Real Academia Galega (RAG) interpuxo un recurso contencioso administrativo contra o decreto do plurilingüismo no ensino non universitario. A Mesa pola Normalización Lingüística solicitou a través dun escrito ao Tribunal Superior de Xustiza de Galicia (TSXG) “a suspensión da vixencia” do decreto do plurilingüismo “ou subsidiariamente a dos artigos que limitan a presenza do galego en educación infantil e que prohiben a docencia neste idioma dalgunhas materias”.

Ir á noticia

TODOS/AS A COMPOSTELA

O día 28 nova manifestación da CUT pola folga xeral xa!

A CUT volverá saír as rúas, desta vez en Compostela, para mostrar a súa oposición ás reformas do sistema capitalista, reformas que non pretenden outra cousa que reformular o sistema de cara unha explotación maior da clase traballadora. Comos vimos facendo nos últimos dous anos, imos dicir ben alto que o proletariado galego non vai tragar con esta situación, e imos tamén preguntar novamente onde están os que din defender os intereses dos traballadores e traballadoras galegas. O 28, ás 20 horas, agardámovos na Alameda de Compostela.

Ir á páxina da CUT

Investigadores en defensa do benestar social

"As medidas que se están a adoptar non permitirán resolver a crise porque só se encamiñan a facilitar que os de por si máis privilexiados, obteñan máis comodamente os seus beneficios", así de contundentes móstranse os máis de 1.500 profesores universitarios de todo o Estado que subscribiron o manifesto Universitarios contra a Crise no que reivindican unha toma de conciencia da sociedade e máis debate de ideas.

Ir á noticia

Vindeiras actuacións do Comité

Agardamos pola resposta da Xerencia e Reitor á proposta sobre a RPT.

Achéganos a túa opinión

Escríbenos ao enderezo electrónico:
cutudc@cutudc.com

CARTAS QUE RECIBIMOS

As vosas colaboracións

Dado o que nos está a caer enriba non é de estrañar o incremento de cartas recibidas e o motivo que as inspiran.

Ir ás colaboracións

A Praza "Amada García" acolleu unha nova concentración en protesta pola entrada na Ría de Ferrol do buque metaneiro "Gemmata" que transportaba a súa perigosa carga para Reganosa

Este 20 de Xullo de 2010, a Praza Amada García de Ferrol acolleu unha nova concentración, convocada polo Comité Cidadán, para denunciar e protestar pola entrada na Ría do buque metaneiro "Gemmata" que transportaba a súa perigosa carga para Reganosa, a Planta de Gas instalada no corazón da nosa Ría, no concello de Mugardos.