A loita das traballadoras da limpeza da Xunta non desfalece, se o pasado día 4 de outubro se manifestaron diante das oficinas de San Caetano, o xoves, día 11, concentráronse, unha vez máis, diante do Parlamento berrando máis forte que nunca que “esta loita ímola gañar!”

As mobilizacións das traballadoras subcontratadas á mafia de Grupo Norte, teñen como obxectivo rematar coa discriminación salarial das mulleres, que cobran menos cós homes e non teñen acceso á promoción de categoría.

Contrariamente ao discurso oficial, en moitos eidos laborais, as mulleres seguimos padecendo unha discriminación intolerable.