Ante a información da existencia de negociacións entre POVISA-SERGAS para evitar a quebra anunciada por este hospital privado con Concerto Singular, desde a Asociación Galega para a Defensa dá Sanidade Pública queremos comunicar:

1.- Consideramos que a crise deste hospital privado, que atende a pacientes da sanidade pública, esta determinada por contas pouco claras, conflitos de intereses e portas xiratorias

2- A auditora de Povisa é Deloitte, que participou na fusión das caixas galegas e na saída a bolsa de Bankia, e que non atopou os buracos millonarios desta entidades financeiras.

3- Maria Luisa Brandt, ex directiva, foi  auditora de Caixa Nova durante a crise e é a actual Xerente de POVISA

4- Tras chegar Feijóo, Rocío Mosquera, directiva de Povisa foi nomeada Directora Xeral do Sergas e posteriormente Conselleira de Sanidade mentres que  María Luisa Brandt foi nomeada Xerente de Galaria SA, empresa pública da Conselleria de Sanidade. O Consello de Contas advirte dos graves problemas da súa xestión e das contas pouco claras de Galaria, o que  xera dúbidas sobre as contas que actualmente achega Povisa para xustificar o Pre-Concurso de Acredores. .

5- Rocío Mosquera tras ser cesada na Consellería, substituíu a María Luisa Brandt en GALARIA,  que á súa vez  foi nomeada xerente de Povisa (intercambio de cromos). Esta última  pasou de xestionar unha empresa dependente da Consellería de Sanidade (con acceso a información sanitaria pública especialmente sensible da pacientes da área de Vigo e o Morrazo), a xestionar o hospital privado con Concerto Singular co SERGAS.

6- A pesar da escasa información dispoñible sobre as negociacións entre SERGAS e POVISA para evitar a quebra deste hospital privado, parece que a administración ofreceu facerse cargo do gasto en medicamentos xerado no centro para pacientes ambulatorios. Isto supoñería que POVISA prescribiría unha medicación (cada vez máis custosa) que  sería pagada polo SERGAS, algo moi perigoso para o gasto público a medio e longo prazo, tendo en conta ademais a ausencia de delimitación da atención dos pacientes públicos e privados denunciada polo Consello de Contas). POVISA parece que tamén pretende unha subida no concerto como veu facendo ao longo dos anos (a pesar de ser o mais elevado do Estado)

7.- Ante todo isto, instamos á Consellería de Sanidade a que faga pública a súa intención de non permitir a chantaxe empresarial e anunciar que, polo interese xeral, pasará a xestionar directamente o hospital POVISA, no caso de que a empresa non garanta a asistencia sanitaria da poboación asignada e os postos de traballo.

8.- Tamén reclamamos unha auditoría real e crible da xestión do diñeiro público entregado á empresa que xestiona POVISA, e esiximos o compromiso de non entregar un euro máis ata non ter feita esa auditoría.

9.- E finalmente facemos un chamamento ás forzas sociais, políticas e sindicais para que se estableza un plan a medio prazo, para ir substituíndo o concerto singular por recursos sanitarios públicos, que permita finalizar coa situación de chantaxe permanente que vivimos na área sanitaria de Vigo

Asociación Galega para a Defensa dá Sanidade Pública

6 de outubro do 2018