1.    A Coordinadora Estatal pola Defensa do Sistema Público de Pensións, na que está integrada MODEPEN, valora e valorará  positivamente todos os avances que se produzan no que se refire ao mantemento e mellora do Sistema Público de Pensións.

2.    Consideramos isto, como un motivo máis de orgullo para esta Coordinadora, xa que estamos convencidos de que só a determinación, a loita. e a mobilización de millóns de persoas (pensionistas de hoxe e do futuro), fixeron posible o cambio de posición dalgúns partidos políticos presentes nese Pacto de Toledo.

3.    Seguiremos mobilizándonos nas rúas e prazas de todo o Estado, xa que consideramos que isto só significa un pequeno avance nas demandas por nós expostas.

4.    Non compartimos en absoluto estas políticas do pau e a cenoria (agora ameázovos con que o sistema é insustentable, e despois douvos o IPC). A revalorización das pensións de acordo co IPC, xa se producía desde hai moitos anos, polo tanto non se nos regala nada, corrixe unha inxustiza que o PP e o PSOE provocaran. Ademais, o  Ar1. 102 da OIT asinado e asumido polo Reino de España, así o recoñece, da mesma forma que o fai a Carta Social Europea.

5.    Non  compartimos  en absoluto  a  continuidade do Pacto de Toledo, un pacto escurantista e de presión das Entidades Financeiras e dos Lobbyes, onde nin tan só se escoita ás persoas afectadas polas súas recomendacións, os e as pensionistas.

6.    Non confiamos, en absoluto, que o que hoxe se acordou non o vaian a cambiar mañá: Polo tanto vemos moito de xesticulación pero pouco de realidades.

CONTINUAREMOS NAS RÚAS ATA CONSEGUIR:

A.   Unha reforma integral do Sistema Público de Pensións, baseada nas nosas propostas presentadas á Ministra. Magdalena Valerio o pasado 31 de xullo, que resolva de forma definitiva as graves desigualdades existentes hoxe en día, e que asegure as pensións de mañá.

B.   Un debate aberto a toda a sociedade, que aborde todos os problemas do SPP e porque se chegou a esta situación.

C.   Unha mesa de negociación e dialogo onde ademais doutros colectivos implicados, esteamos representados os verdadeiros afectados.

Comisión de Portavoces e Organización Estatal.

GOBERNE QUEN GOBERNE AS PENSIÓNS DEFÉNDENSE !!!!!