O Comité Intercentros da CRTVG entregoulle esta mañá ao director xeral, Alfonso Sánchez Izquierdo, 553 sinaturas de traballadores e traballadoras dos medios públicos que demandan a continuidade da emisión dos informativos locais na Radio Galega. que a dirección vai suprimir a partir do 9 de setembro. Solicitan ademais o reforzo das delegacións territoriais, mermadas de persoal sen técnicos de control, para ofrecer a información de proximidade con maior calidade.

Nas sinaturas,. as demandantes aseguran que a información local xera espazos de referencia que axudan a vertebrar o pais e contribúen a manter a pluralidade de voces e temas, tal e como ordena a lei que regula a CRTVG. Para o persoal dos medios galegos, eliminar os locais sería abandonar en parte ese cometido, suprimir unha das funcións para as que foron creadas as delegacións da Radio Galega e renunciar a un referente para os oíntes, que acabarán escollendo outras emisoras para saber o que pasa na súa. contorna. Pídenlle tamén á Dirección Xeral que recapacite e reconsidere a súa decisión.

A entrega desas sinaturas coincidiu cunha xuntanza que estaba prevista celebrar na sede central de San Marcos da CRIVG entre o Comite Intercentros e o comité de empresa provincial de CRTVE-Galicia motivada polas problemáticas comúns que comparten ambas as dúas representacións sindicais. O Intercentros da CRTVG denuncia que a dirección de recursos humanos non permitiu o acceso dos sindicalistas da radiotelevisión pública española, polo que o encontro tivo que celebrarse na porta do edificio. É a primeiira vez que se obstaculiza o acceso á CRTVG de delegados externos,. unha práctica habitual que nunca se cuestionou e que, en opinión do Comité Intercentros está relacionada coas mobilizacións que· se veñen producindo nas últimas Semanas na CRTVG en defensa do servizo público (desaparición do programa Diario Cultural e das desconexións locais, ademais dos venres negros contra a manipulación informativa e a prol da creación do Consello de Informativos) que causan malestar na dirección dos medios públicos.

O Comité Intercentros da CRTVG e o Comite de CRTVE reuniranse nos vindeiros dias para activar mobilizacións conxuntas de protesta.

San Marcos, 19 de xuño de 2018