Fiscalía recorre as sentenzas de Altsasu e dos disturbios de Iruña e insiste na acusación de terrorismo
Tanto a sentenza contra @s oito moz@s de Altsasu
como a dos disturbios de Pamplona do 11 de marzo do ano pasado foron
recorridas por fiscalía, que insiste en ver “terrorismo” nos dous
feitos.
@s oito moz@s de Altsasu foron condenados a penas
de entre 2 e 13 anos de prisión, mentres que outro catro mozos, de
Orereta e de Beasain, foron condenados a penas de dous anos. A baixada
do listón para pasar a ser considerado “terrorista” polo Estado é máis
que evidente.
Mentres tanto multiplícanse as accións e a
solidariedade c@s condenad@s de Altsasu e mañá sábado a manifestación
convocada por Altsasu Gurasoak en Iruñea prevese multitudinaria.
A Fiscalía recorre a sentenza do ‘caso
Altsasu’ ao entender que a agresión aos dous gardas civís si foi
terrorismo
Os maxistrados descartaron o delito de terrorismo
porque na súa opinión “non quedou plenamente acreditado a finalidade
terrorista da súa acción e tampouco a súa vinculación ou pertenza a
ETA”.
A Fiscalía da Audiencia Nacional
recorreu
a sentenza que condena @s oito moz@s de Alsasua (Navarra) pola agresión
a dous gardas civís e ás súas parellas o 15 de outubro de 2016, ao
entender que os feitos si deben ser cualificados como terrorismo,
segundo informaron fontes xurídicas.
O Ministerio Público pedía para @s oito acusad@s
penas de entre 12 anos e medio e 62 anos e medio de cárcere por delitos
de lesións e ameazas terroristas, pero finalmente a Sección Primeira da
Sala do Penal condenounos a entre 2 e 13 anos por atentado a axentes da
autoridade, lesións, desordes públicas e ameazas.
Aínda que os maxistrados impuxeron as penas
máis altas contempladas para os citados delitos, non cren que
deban ser penados polos delitos terroristas porque “non quedou
plenamente acreditado a finalidade terrorista da súa acción e tampouco a
súa vinculación ou pertenza a ETA”.
O tribunal está de acordo coa Fiscalía e as
acusacións particulares e populares con que a agresión de Alsasua non
foi unha mera pelexa de bar, pero non estima que os condenados “tivesen
a clara intención e finalidade de levar a cabo algún dos postulados, que
tivese a banda terrorista ETA nin que asumisen naquela época tales
postulados”.
“Por tanto, non resulta probado que tivesen
intención subverter a orde constitucional ou alterar
gravemente a paz pública ou provocar o terror na xente na localidade de
Alsasua”, explica a Sala na súa sentenza.
A Fiscalía tamén recorre a condena aos
mozos de Errenteria e Beasaian e ve «terrorismo»
O fiscal da Audiencia Nacional española José Perals
recorreu a condena de dous anos a catro mozos de Errenteria e Beasain
polos incidentes de Iruñea de marzo de 2017. A Audiencia Nacional non
observou un delito de «terrorismo» e condenounos por «desordes públicas»
pero o fiscal considera que actuaron «seguindo as directrices da armazón
de ETA».
A Fiscalía recorreu a condena
da Audiencia Nacional española a dous anos de prisión para catro mozos de
Errenteria e Beasain polos incidentes nunha manifestación en Iruñea o 11
de marzo de 2017, ao entender que actuaron «seguindo as directrices da
armazón de ETA» e «cometeron por iso un delito terrorista».
Kaos en la Red