O termo Homofobia refírese á aversión, odio, medo, prexuízo e discriminación contra homes ou mulleres homosexuais e tamén se inclúe ás demais persoas que integran as diversidades sexuais e xenéricas.

Celebramos o 17 de Maio como día Internacional de loita contra a Homofobia, Lesbofobia e Transfobia, lembrando que o 17 de maio de 1990, a Asemblea Xeral da Organización Mundial da Saúde OMS suprimiu definitivamente a homosexualidade das listas de enfermidades mentais.

No primeiro país no que se celebrou o día de loita contra a Homofobia, Lesbofobia e Transfobia foi en Quebec en 2003 convocado pola Asemblea Nacional de Quebec grazas á iniciativa de moitas organizacións (tanto da sociedade civil como organismos públicos).

Louis-Georges Tin, francés director do "Dicionario da homofobia” e principal impulsor da xornada mundial, sinalou que máis de 30 países súmáranse ás actividades  do Día Internacional de loita contra a Homofóbia, Lesbofóbía e Transfóbia e destacou que cada vez se adhiren máis apoios de autoridades gobernamentais en cada un desas nacións, o cal resulta de especial importancia polo papel que teñen na loita contra a discriminación.

A Organización das Nacións Unidade recoñece ás identidades sexuais e xenéricas como un Dereito Humano.

O 17 de maio supón reforzar a solidariedade con todo a colectivo GLBTIQ do mundo enteiro e reafirmar o compromiso con quen en calquera parte sofren as consecuencias da Homofobia, Lesbofobia e Transfobia.

A igualdade aínda non está conseguida. En preto de 80 países os actos sexuais entre persoas do mesmo sexo son tipificados como delito no código penal e as persoas que son detidas baixo esta acusación poden ser condenadas a cadea perpetua e a pena de morte.

Incluso naqueles países que contemplan recoñecementos legais a prol da diversidade sexual existen casos de discriminación cara ao colectivo de lésbicas, gais, bisexuais, transexuais e intersexuais (LGBTI). Discriminación que, en demasiados casos, vai acompañada de agresións verbais, acoso e violencia física.

Esperamos que nun futuro poidamos celebrar o cesamento de tod@s as formas de odio e discriminación e se poida respectar e gozar a diversidade sen ningún temor

ÚNETE Á LOITA PARA ERRADICAR O PREXUÍZO, A DISCRIMINACIÓN E A VIOLENCIA