Resumo da sesión do Claustro Universitario realizado o día 16
O día 16 de maio realizouse unha reunión do
Claustro Universitario, máximo órgano colexiado de goberno da UDC. Tanto
nos medios de comunicación como, de xeito especial, na páxina web da
universidade tedes cumprida información do decurso da sesión. Nós
informamos do que a nosa representación sinalou e que, como é habitual,
neses medios non se reflicte.
Desenvolvemento da sesión (aspectos máis
relevantes)
Apróbase a acta da sesión anterior – 12 de
decembro de 2017 - dificilmente podería ser doutro xeito
ao se recoller a sesión integramente nun ficheiro de audio.
Memoria do reitor para o Claustro Universitario 2017
Persoal de administración e servizos (PAS),
o reitor salienta:
No exercicio de 2017 realizáronse as seguintes
actuacións:
• Convocatoria mediante Resolución do 3 de abril de
2017 (DOG núm. 73, do 17 de abril) do proceso de provisión de postos de
traballo do persoal funcionario de administración e servizos da
Universidade da Coruña.
• Finalización do proceso de promoción interna
correspondente á Oferta de Emprego Público do ano 2016, convocado por
Resolución do 31 de agosto de 2016 (DOG núm. 182, 23-09-2016) para o
ingreso nas distintas escalas de persoal funcionario da Universidade da
Coruña. Publicáronse un total de 151 nomeamentos.
• Publicación no DOG número 198, do 18 de outubro
de 2017, da Resolución do 5 de outubro de 2017 coa oferta de emprego
público do persoal de administración e servizos para 2017. Nesta oferta
figuraban un total de 21 prazas para convocar pola quenda de acceso
libre e 50 prazas para convocar pola quenda de promoción interna.
Na rolda de intervencións deste punto, a
representación do PAS (APA) sinalou:
No DOG do día de hoxe publícase a modificación
puntual da RPT que permitirá que unha boa parte das compañeiras e
compañeiros que se presentaron á promoción convocada no ano 2016, poidan
tomar posesión dos postos acadados. Os nomeamentos aínda non se
publicaron, polo que a promoción deses 151 postos que se contemplan na
memoria e que se convocaron no ano 2016, aínda non rematou.
Por outro lado, significar que nas promocións imos
cun ano de retraso respecto do calendario acordado e asinado co anterior
reitor. Neste momento estamos a negociar os temarios, da convocatoria
das promocións correspondentes ao ano 2017, da convocatoria aínda non se
nos enviou proposta. Tampouco se nos trasladaron as convocatorias das
categorías correspondentes ás Ofertas de Emprego que se acumularon.
Reclamámoslle ao reitor, ao xerente e a
quen corresponda que se axilicen os procedementos.
Na resposta o reitor deu a palabra ao
xerente:
É certo que hoxe se publica no DOG a modificación
da RPT acordada coa Xunta de Persoal no ano 2016 para adaptar as prazas
que ocupan as persoas que promocionaron e que non están barradas ao
grupo A2. Posibilítase, deste xeito, a toma de posesión. Os
nomeamentos publicaranse no DOG do luns, día 21.
Sobre as convocatorias, este xerente comprometeuse
a que se presentarían no mes de maio, e así se fará, hai que esperar á
finalización do prazo para facer a crítica.
Na votación da Memoria do reitor para o
Claustro Universitario 2017 a representación do PAS, a APA,
abstívose. Votación: 53 votos a
favor, 16 abstencións.
Informe de xestión do Valedor Universitario
Animámosvos a ler o Informe, sobre todo, as queixas
do PAS, centradas esencialmente na formación e na situación creada pola
detección de gas Radon no posto de traballo
Quenda aberta de intervencións
Na rolda de intervencións deste punto, a
representación do PAS (APA) sinalou:
Ademais do xa sinalado na Memoria do reitor, para o
PAS é moi urxente a negociación da Oferta de Emprego Público do ano 2018
para poder acumular as prazas ás Ofertas xa aprobadas
É urxente para o PAS que se proceda ao reparto da
roupa de traballo. As traballadoras e traballadores, fixeron as
solicitudes nos dous primeiros meses do ano. É urxente que esas
solicitudes sexan avaliadas e, posteriormente, que a roupa se distribúa.
A prensa de hoxe sinala que o Concello procederá á
asignación de prazas de aparcadoiro, na contorna da Maestranza, ás
persoas residentes e comerciantes da Cidade Vella, iso a maiores de
reservar, para uso exclusivo destas persoas, o espazo do Oceanográfico.
Reclamamos que se negocie co Concello que nesas prazas reservadas se
contemple, tamén, ao persoal que traballamos na Reitoría.
Na resposta o reitor deu a palabra ao
xerente:
A semana vindeira transmitirase á Xunta de Persoal
unha nova proposta de Oferta de Emprego para o ano 2018. Na semana
vindeira tamén convocarei unha nova reunión co órgano de representación
para negociala.
En próximos días remitirase a listaxe das
traballadoras e traballadores aos que se lles asigna a roupa de
traballo.
A información recibida do Concello sobre os
aparcadoiros en superficie sinalan que se asignará a residentes a zona
do Oceanográfico, facéndose unha redistribución do tráfico que
posibilitará que na zona da Maestranza haxa máis prazas para aparcar que
neste momento. Realizáronse xestións con aparcadoiros privados. Sobre a
petición de reclamar no Concello o mesmo trato para as persoas que
traballan na Reitoría que para residentes farase incluso vehementemente.
O Claustro nos medios