Comezaron os contactos entre a Xerencia do CHUAC e o persoal do servizo de farmacia ante as protestas dos profesionais que denuncian que están desbordados de traballo e poden cometer erros irreparables para os enfermos. Os traballadores volvéronse a concentrar na rotonda de acceso ao centro sanitario. Seguen co seu calendario e o próximo 16 de maio presentarán a convocatoria de folga para o 2 de xuño.

Sinalan que se producen atrasos de horas na entrega de medicación para pacientes oncolóxicos por falta de celadores. Comezaron a denunciar a súa situación xa no ano 2015, sen resposta efectiva segundo as súas declaracións. Os avances en contacto coa xerencia están a ser, din, moi lentos. Necesitan ampliar persoal e ampliar fisicamente o servizo.

Denuncian que nos últimos anos pasaron de atender as necesidades do CHUAC a dispensar medicación a 60 centros de saúde e 11 PAC,s, 23 centros sociosanitarios e 6 unidades de saúde mental sen suficiente aumento de persoal. O CHUAC reitera que hai un proxecto de ampliación do servizo en marcha. A xefa do departamento convocou reunións cos traballadores. Garante a trazabilidade dos medicamentos en todos os casos.

Cadena Ser