Os sindicatos SPJ-USO, AXG-CUT, STAJ e CIG, maioría dos membros do Comité de folga no conflito da xustiza galega, solicitamos da Xunta de Galicia convocatoria ao Comité de Folga ao fin de continuar coa negociación.

Estando cerca dos 3 meses de folga é responsabilidade tanto da Xunta como do comité de folga rematar con este conflito ao longo desta semana, polo que instamos á Xunta a que nos convoque á maiar brevidade posible para iniciar unha negociación que permita por fin ao conflito e, desta forma, evitar maiores prexuízos á cidadanía e comezar canto antes a posta ao día dos xulgados galegos.

Co fin de chegar a principios dun acordo e co ánimo de tenderlle a man á Xunta de Galicia adiantamos a posibilidade de facer unha interrupción da folga unha vez constatada que hai vontade de negociación por parte da Xunta.

Igualmente avanzamos o interese dos sindicatos en centrar as negociacións nos puntos que impediron que os traballadores e traballadoras da xustiza galega aprobaran o texto sometido a votación o venres pasado, día 27 de abril, destacando entre eles a cláusula de revisión e o plan de recuperación do traballo atrasado por motivo da folga .

Tamén facemos este chamamento ao resto de sindicatos que forman o comité de folga.

Santiago de Compostela, 2 de maio do 2018

Entrevista a Pablo Valeiras e Nuria Fornos en "Ourense en la Onda"

1º maio

As traballadoras da xustiza reciben de costas a manifestación de CCOO-UGT