Na reunión da Xunta de Persoal realizada o pasado día 17, a Xunta de Persoal adoptou, por unanimidade, a decisión de comunicarlles a nosa solidariedade e apoio aos compañeiros e compañeiras da xustiza de Galiza en folga indefinida desde hai máis de dous meses (75 días á publicación desta noticia).

As compañeiras e compañeiros da xustiza demostraron unha capacidade de resistencia e sacrificio que os converten nun exemplo para todos os traballadores e traballadoras.

Seguiremos a difundir as súas convocatorias e animamos a todos os traballadores e traballadoras da Universidade a participar activamente nas mobilizacións que se convoquen no camiño de obrigar á Xunta de Galicia (PP) a aceptar as xustas reivindicacións dun sector que, a pesar dos reiterados intentos do sr. Rueda en dividir, permanece tan unido como o primeiro día.