• Número 391
  • 23 de abril de 2018

Represión

Deteñen a activista tinerfeño por escribir en facebook "os borbóns ás quenllas"

O Tribunal Superior de Xustiza de Canarias declara "secreta" a información sobre esta detención

Segundo informou hoxe o xornal tinerfeño "Diario de Avisos", a Policía Nacional  procedeu á detención dun mozo activista pro saharauí en Tenerife, como presunto autor dun "delito de odio e inxurias graves contra a coroa", de acordo coa información de fontes do propio Corpo Nacional da Policía.

Roberto Mesa, un activista  vinculado a outros  movementos sociais, foi  detido a primeira hora deste mércores na súa casa  de "Barrio Nuevo ", no municipio La Laguna, sendo trasladado á Comisaría de Policía Nacional de Tres de Mayo. Ante o edificio da comisaría  tivo lugar unha concentración de apoio ao detido.

Segundo o xornal tinerfeño citado, a detención produciuse por mor dunha causa aberta polo Xulgado de Instrución Número 5, de Santa Cruz de Tenerife, por unha investigación “de alta complexidade (sic) por distintos delitos que está declarada como secreta, segundo fontes do Tribunal Superior de Xustiza de Canarias (TSJC).

Mesa está acusado dun presunto "delito de odio e inxurias" por comentarios vertidos na súa conta de Facebook , onde escribiu con motivo da visita á illa do rei Felipe VI “Os borbóns ás quenllas”, ou cágome na monarquía, no rei e en todos os seus corpos represivos”.

 Alicia Mújica, avogada do detido, relatou aos medios de comunicación  que os axentes chegaron ás 08.00 horas á vivenda do seu defendido, levantaron da cama aos inquilinos e detiveron a Roberto Mesa e requisaron o seu equipo informático.

Roberto Mesa, de acordo coa información de lDiario de Avisos,  comentou   que está “tranquilo” pero  “preocupado”, xa que o seu caso “é unha novidade” dentro da análise do dereito da liberdade de expresión e os seus límites.

A letrada precisou que "a causa declarouse secreta" e que Mesa pasará mañá venres a disposición xudicial, xa que durante toda a xornada os servizos policiais dedicaranse a analizar os equipos informáticos.

A súa irmá asegurou que a detención non é casualidade”, porque Roberto estivo  relacionado con moitas causas sociais en Canarias e en España.Non é casualidade que nos queiran calar a voz, non imos permitir que nos vaian a encarcerar e dar medo por dicir o que pensamos”-  concluíu a nota xornalística do rotativo tinerfeño

Canarias Semanal