O día 26 realizaranse reunións, pola mañá do Consello de Goberno e, pola tarde do Consello Social. Na data de realización do PASquín non recibiramos documentación de ningunha das reunións.

A orde do día do Consello de Goberno é imprevisíbel, non así a do Consello Social na que deberían figurar as modificacións  da RPT, xa co visto bo da Consellería de Facenda, aprobadas na reunión do Consello de Goberno do día 3 de abril e que permitirían a toma de posesión das compañeiras e compañeiros que superaron a fase de promoción ao grupo A2 da escala xeral.

Lembrámosvos que, unha vez aprobada a modificación polo Consello Social, enviarase ao DOG, esta circunstancia suporá que a toma de posesión se realizará, se todo vai como debe, a mediados do mes de maio.