Representantes sindicais expulsados da Xunta de Galicia
O comité de folga convocara aos negociadores da
administración autonómica para que lles explicaran a suposta suba de 300
euros no salario dos funcionarios da Xustiza. Dita suba foi
anunciada desde o Goberno galego polo seu
vicepresidente, Alfonso Rueda.
Ás once da mañá deste venres 13 de abril, as
persoas que conforman o comité de folga achegáronse ás instalacións no
edificio de San Caetano, sede do Goberno da Xunta, para pedir
información e explicacións sobre o anunciado aumento salarial. Non
obstante, ningún membro da contraparte
negociadora por parte da Administración galega se
presentou para recibilos nin anunciarlles ningún punto sobre a presunta
suba salarial.
As únicas persoas que puideron acceder ao recinto
administrativo foron representantes de Alternativas na Xustiza-CUT.
Inmediatamente foron expulsados das instalacións pola Policía
autonómica. O resto de membros do comité non puido acceder a
San Caetano.
Desde Alternativas na Xustiza-CUT (ANX-CUT),
consideran que a non comparecencia e expulsión de representantes dos
traballadores da Xustiza forma parte da “guerra de
desgaste” para “deslexitimar” aos
funcionarias da Xustiza, facendo referencia ás palabras do fiscal
delegado de Medio Ambiente, García Ortiz.
Tamén desde a mesma central sindical ven que estas
manobras forman parte das tácticas para as
loitas internas do PP na sucesión de Mariano Rajoy,
en beneficio de Alberto Núñez Feijoo.
Galicia Confidencial
A Noticia en Galiza Contrainfo
A Xunta e Alfonso Rueda non compareceron hoxe
venres 13 de abril na xuntanza convocada polo Comité de
#FolgaXustiza e ademais expulsa do Edificio de San Caetano as
persoas que ian asistir a esta reunión en representación das
traballadoras/es.
Prepotencia e bloqueo, até cando?
Que se coñeza a versión das traballadoras e
traballadores da Xustiza:
“A empresa é del (Alfonso Rueda), del é a man que
ten que xestionar a empresa, que está nomeado para iso, e non hai dor.
Trátanos aos traballadores como se foramos máquinas. Non nos recibe, non
quere falar con nós. A xente que manda dinos que se non estamos
contentos na nosa comunidade que marchemos.
Detrás do traballo hai
seres humanos, detrás do traballo hai pel, a xente chora, a xente ri.
Non somos máquinas, só contando con números cuantificábeis. Somos os
seus traballadores, e se ve que tal que poña ordenadores só”.
Rachemos o silenciamento dos grandes
medios, todo o noso apoio.