Concurso de traslados e nova reunión coa Xerencia o día 17
Se a pasada semana, o DOG do xoves día 12,
publicaba a
RESOLUCIÓN do 2 de abril de 2018 pola que se fai pública a
adxudicación definitiva de postos, unha vez resolto o concurso de
méritos para a provisión de diversos postos de traballo correspondentes
ao persoal funcionario de administración e servizos, convocado por
Resolución de 3 de abril de 2017. Para esta semana, en
concreto o martes día 17, a Xerencia convoca unha reunión coa Xunta de
Persoal. Na orde do día, trataranse temas de gran importancia que van
desde a modificación da RPT para establecer a forma de provisión
dalgunhas prazas, a proposta de Oferta de Emprego Público para o ano
2018, até a convocatoria do concurso de traslados no
Servizo de informática e comunicacións, convocatoria que, como sabedes,
recorremos por que se desvinculou do concurso xeral que acaba de
concluír.
Para resolver as dúbidas que ao respecto de
cada un dos asuntos nos trasladastes e de posicionarnos respecto das
propostas da Xerencia imos tratar por separado cada un dos temas:
Concurso de traslados. Toma de posesión:
Na resolución que marca o punto e final deste
primeiro proceso de promoción establécese:
“O cómputo dos prazos de toma de posesión
iniciarase cando rematen os permisos ou licenzas que, se é o caso, fosen
concedidos aos/ás interesados/as. Nos supostos de baixa temporal ou
transitoria, o cómputo do prazo iniciarase a partir da correspondente
alta.”
“O artigo 14 do Regulamento de provisión de postos
de traballo, promoción profesional e promoción interna, aprobado polo
Decreto 93/1991, do 20 de marzo, queda redactado nos seguintes termos:”
“1. O prazo para tomar posesión do novo destino
obtido será de tres días hábiles se non implica cambio de residencia ou
de sete días hábiles se comporta cambio de residencia. Cando o/a
adxudicatario/a do posto obteña coa súa toma de posesión o reingreso ao
servizo activo, o prazo será de vinte días hábiles.”
“3. O cómputo dos prazos de toma de posesión
iniciarase cando rematen os permisos ou licenzas que, se é o caso, fosen
concedidos aos/ás interesados/as.
Nos supostos de baixa temporal ou transitoria, o
cómputo do prazo iniciarase a partir da correspondente alta.
44. Para todos os efectos, o prazo de toma de
posesión considerarase como de servizo activo, polo que os efectos
económicos comezarán no novo destino desde a data de cesamento no de
procedencia.”
Toma de posesión das compañeiras e
compañeiros que superaron a promoción ao grupo A2 da escala
xeral sinalar, de novo, que a modificación da RPT que posibilitaba esta
circunstancia aprobouse no Consello de Goberno do pasado día 3,
condicionada á aprobación da Consellería de Facenda. O seguinte paso
será a aprobación no Consello Social que se realizará o vindeiro día 26
de abril, nesa reunión a Xerencia conta con ter o informe favorable da
Consellería. Posteriormente, segundo o informado polo xerente, enviarase
ao DOG. Cóntase con que a mediados de maio a modificación da RPT estará
publicada no e poderase proceder á toma de posesión. Lembrar que,
segundo o asinado no seu día,
a toma de posesión realizarase ao mesmo tempo.
Por outra banda,
como vos informamos na web da Xunta de Persoal, a Xerencia ven de
convocar unha nova reunión o vindeiro día 17 de abril (non marzo como se
sinala na convocatoria) coa orde do día e documentación que está á vosa
disposición nesa páxina.
Sobre a MEMORIA DA MODIFICACIÓN DA RELACIÓN DE
POSTOS DE TRABALLO DO PERSOAL DE ADMINISTRACIÓN E SERVIZOS DA
UNIVERSIDADE DA CORUÑA. CONCURSO ESPECÍFICO EN XEFATURAS DE SERVIZO,
remitímonos ao acordo unánime da Xunta de Persoal, transmitido á
Xerencia, no que se rexeitaba esa modificación e se lle propoñía que,
previa consulta ás traballadoras e traballadores se negociase na
convocatoria dos concursos de méritos o establecemento dunha fase
específica para os niveis 25 e superiores.
Ao respecto da PROPOSTA DE OFERTA DE EMPREGO
PÚBLICO DO PERSOAL DE ADMINISTRACIÓN E SERVIZOS DA UNIVERSIDADE DA
CORUÑA PARA O ANO 2018
Reafirmámonos no xa manifestado en Ofertas de
Emprego de anos anteriores. Defenderemos, novamente, o establecido nos
Estatutos da Universidade e reclamaremos que todas as prazas sexan de
posto base.
Por outro lado, a Xerencia insiste en propostas
irregulares. Por un lado sinala que a taxa de reposición é de 9
postos e, por outro lado, propón, a quenda libre, exclusivamente 7
prazas.
Sobre a Resolución do XX de abril de 2018 da
Universidade da Coruña pola que se convoca o concurso de méritos para a
provisión de diversos postos de traballo correspondentes ao persoal
funcionario de administración e servizos.
A convocatoria establece, entre outras cousas,
unha fase de méritos específicos:
“2.1 Esta fase está dirixida á comprobación e á
valoración dos méritos específicos das persoas aspirantes a postos de
coordinador de área. Efectuarase da seguinte forma:
Elaboración dun proxecto, exposición e defensa.
Puntuación total 20 puntos...”
Esta alteración do concurso con respecto ao xa
rematado rompe a uniformidade da convocatoria e serve para aclarar,
definitivamente, as intencións do equipo de goberno.
Adiantamos, xa, que a reunión do día 17 será
movida e, como vedes, a universidade rompe todas as pontes co colectivo.