Unha análise das noticias fannos ver ao diferente ritmo que van as dúas cousas.

 Por un lado a industria “Encadea un trimestre con alzas descoñecidas desde 2007 polas exportacións” (debería vir acompañada, polo tanto, do incremento de emprego estable na industria).

 De feito, o valor engadido bruto (VAB), que mide a actividade produtiva, creceu un 2,6% nos tres primeiros meses deste ano, fronte ao retroceso do 12,5% contabilizado no mesmo período do exercicio precedente. "Esta incipiente recuperación da actividade das empresas non veu acompañada dunha melloría do emprego, que continuou descendendo, nin do investimento empresarial", di o Banco de España.

 Por outro lado a análise do incremento do emprego tan celebrado non deixa de ter un carácter absolutamente estacionario (incrementa esencialmente no sector servizos).

 Tamén hai un intento de vencellar o descenso do paro coa reforma laboral. Que se aclaren!:

 A reforma laboral non ía propiciar o incremento de emprego fixo?. O emprego que se crea, até agora e segundo as nosas apreciacións se seguirá a crear, é emprego máis precario ca o que existía antes da reforma, e cunha duración temporal acorde coa estación na que nos atopamos. Ulo a calidade e estabilidade no emprego?.

 Mentres que medran (un 11,64%) os contratos eventuais, os contratos indefinidos redúcense respecto a maio nun 8,78%. Chegamos ao punto de que a contratación indefinida só representa o 7,6% da total realizada en xuño.

 O número de desempregados rexistrados nas oficinas dos servizos públicos de emprego en Galicia descenderon, tamén, en 8.682 persoas no mes de xuño respecto ao mes de maio, que porcentualmente representa unha redución do 3,8 por cento.