O Goberno informou que se eliminarán arredor de 10.600 postos de traballo na Administración Xeral do Estado (AXE), o cal equivale á redución de ata o 3% das vacantes da AXE.

Esta medida enmárcase dentro do plan austeridade esixido por Bruxelas e cumprido rigorosamente polo estado español.

A medida afectará a departamentos, organismos, entidades xestoras e servizos comúns da Administración do Estado, Seguridade Social, Axencias Estatais, entes públicos e entidades públicas empresariais.

Segundo María Teresa Fernández de la Vega, unha vez que sexa posta en práctica esta medida, quedarán suprimidos uns 16.000 postos de traballo na Función Pública.

Segundo Axencias, de la Vega, declarou que isto "evitará que se produzan "desviacións á alza" das masas salariais dos funcionarios".