Xullo de 2010
 
 

05/07/2010

   CUTUDC / Novidades

  ACTUALIDADE

Asembleas de PAS Laboral:

 

Os días 28 e 29 fixemos asembleas en Ferrol e Coruña, decidíndose por unha abrumadora maioría rexeitar o proxecto de RPT presentado. Iniciamos, agora, o camiño para reconducir a negociación e concluír nunha RPT que poida ser acordada por todos/as.

Tamén se tomou a decisión, practicamente unánime, de denunciar á Universidade por incumprimento de Convenio ao rebaixar o salario o 5%, rexeitouse a posibilidade de iniciar negociación colectiva para que o desconto fose progresivo.

 

 

 

Como vos comentamos con anterioridade comezamos a negociación con varios criterios que considerábamos importantes:

  1. Executar o mandato do Convenio Colectivo de que contemplase na súa totalidade a execución da Transitoria II.
  2. Rematar co subemprego (acabar coas ETT’s, contratos tipo Labora…)
  3. Consolidación dos contratos de “acumulación de tarefas”, entendendo que si son de imprescindible contratación, de esa circunstancia deriva a súa necesidade.
  4. Continuar coa exigua profesionalización existente na anterior RPT.
  5. Equilibrar un colectivo que na súa configuración ten unha forma daquelas chamadas de “diábolo” (o grupo II é inferior ao grupo I).
  6. Queriamos, tamén, partir unha RPT consolidada, proceder á súa ampliación considerabamos que si os postos de traballo se consideraban necesarios até agora non parecía haber situacións que reconsiderasen a desaparición de ningunha praza.

Unha grande parte destes ·”principios” aceptáronse, en primeira instancia pola Xerencia. Así a execución da Transitoria, consolidación dos contratos derivados de acumulación de tarefas e remate das ETT’s contemplábanse nos primeiros borradores.

 

O proceso seguiu introducindo novos postos de traballo que ámbalas partes entendiamos necesarios. Chegou o momento en que a se considerou que había que limitar os postos introducidos porque superaba o orzamento destinado para esa finalidade. O Comité de Empresa considerouse incapaz de efectuar ese recorte porque entendeu sempre que os postos que propoñía eran necesarios requirindo á Xerencia que cortase por onde considerase conveniente para levar o resultado á asemblea.

 

Cando se nos presentaron os recortes os “principios” que antes vos dixemos que compartiamos ambas partes desapareceron do papel (comezamos a ver a realidade da posible RPT). Aínda así quedamos en reunirnos de novo para darlle un último repaso á proposta.

 

Na última das reunións presentouse unha alternativa diferente, pasou de ser unha RPT condicionada polo orzamento a estar limitada polo número de prazas que se cifraba en 38, comezou unha feira de cambios que concluíron na proposta que se presentou á análise das asembleas.

 

Reiteramos o que vos dixemos no anterior comunicado:

 

Nas asembleas tiñamos que decidir sobre un proxecto de RPT que nin a CUT, nin o Comité de Empresa informou favorablemente, non hai preacordo coa UDC.

 

A pesar de non gustarnos, de aí que non se chegase a preacordar, entendiamos que as asembleas deberían pronunciarse porque había moito en xogo, sobre todo a Transitoria II, que como vos dixemos nas asembleas foi a cenoria que nos mantivo sentados todo este tempo na mesa de negociación.

 

Os días 28 e 29, en Ferrol e Coruña respectivamente fixemos asambleas para coñecer o sentir do colectivo sobre dous asuntos de capital importancia para o devir próximo.

 

Sobre a RPT (proposta de RPT) cun resultado na votación:

 

 

Votos a favor

Votos en contra

Abstencións

Ferrol

0

11

4

A Coruña

4

26

16

Total

4

37

20

 

Respecto de emprender accións legais contra o recorte salarial (renunciando a negociar unha aplicación progresiva):

 

 

Votos a favor

Votos en contra

Abstencións

Ferrol

13

0

0

A Coruña

45

0

2

Total

58

0

2

 

Tomouse esta decisión en base, sobre todo, a que, iniciar negociación colectiva lexitimaría o desconto impedindo a posterior denuncia, entende o Comité, e así llo fixo chegar á asemblea, que o incumprimento do Convenio Colectivo representa unha ilegalidade susceptible de ser denunciada, cousa que se procederá a facer.

 

Nas asembleas tamén  se manifestou o profundo malestar do colectivo:

 

  • Pola marcha das convocatorias de concurso-oposición. Enténdese que dificilmente van a rematar os procesos no tempo que se sinala nas propias convocatorias.

 

  • Polo que se entende dentro do colectivo como un trato diferenciado co colectivo de PAS Funcionario.

 

Despois das asembleas:

 

O Comité de Empresa, reuniuse o día 01/07/2010 tomando a decisión de dirixirse ao Reitor para intentar desbloquear a negociación da RPT.

 

Sobre a denuncia da redución do salario o Comité de Empresa (que, como tal, non ten avogado) dirixiuse a CCOO para intentar presentar a demanda, a resposta foi que CCOO vai presentar unha demanda propia dándonos a posibilidade, como Comité, de adherirnos, esta circunstancia analizámola como prexudicial porque non permite a dirección do proceso (quedando condicionado ao que o sindicato decida). Estamos buscando un avogado que nos represente.

 

Manterémosvos informados/as

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript