Fíxoo de novo. O ministro de Traballo, Celestino Corbacho, responsable da reforma que reducirá a menos da metade a indemnización por despedimento e que dará a liquidación á negociación colectiva, afirmou hoxe que o Executivo estuda retirar a axuda de 420 euros que reciben os parados sen protección. Ao parecer, a cousa non vai de farol, aínda que a posible retirada non se decidirá ata que se elaboren os Presupostos do Estado, engadiu Corbacho. En calquera caso, e de forma incomprensible, o titular de Traballo dedicouse a liña seguida a ensalzar a rede de protección social que impediu que "se reflicta na rúa" a situación que atravesan 4,5 millóns de parados.

En calquera caso, os sindicatos maioritarios  seguen retrasando incomprensiblemente a  convocatoria de folga para o día 29 de setembro co ánimo, aseguran, de que se reflicta na rúa a situación dos que non poden traballar (máis vale tarde que nunca). E a dos que aínda podemos. Porque, se se cumpren as previsións de Adecco, a empresa de traballo temporal (ETT), e non se moderan os salarios -e aí está o truco-, pronto podería producirse unha nova perda de empregos, nun fenómeno coñecido como de 'segunda volta', advirte a ETT, encantada, seguramente, ante as perspectivas de negocio que, segundo os sindicatos, se lle abren coa reforma laboral do Goberno socialista. Con todo, Adecco prevé que en setembro haberá 60.000 parados menos que a finais de marzo.

Na patronal, mentres tanto, crecen as dúbidas. A xulgar polas palabras de Claudio Boada, presidente do Círculo de Empresarios, esas "dúbidas" teñen como efecto inmediato paralizar a contratación, segundo titulou o seu despacho a axencia Europa Press. "Non" quedan "claras as causas do despedimento obxectivo", aclara Boada. Está falto de claridade, continúa, xera "dúbidas e complexidades que levan aparelladas un menor dinamismo na contratación", explica. Traducido, poderiamos entender que aquí non se asina un contrato ata que a cousa non se aclare. Por menos empuraron fai pouco a unha patronal, acusada de concertar prezos, a través de mensaxes nos medios de comunicación, recordan outros.

Para o Círculo de empresarios, as causas do despedimento poderían estipularse a partir do 30 por cento de perdas durante seis meses con respecto aos resultados do ano anterior, segundo explica Mónica de Oriol, presidenta do Comité de Mercado Laboral do Círculo de Empresarios. Todo iso por "axustar en lugar de destruír emprego".

Pois non vai ser tan sinxelo que a reforma permita facer axustes de persoal, pagando só 20 días de indemnización," replicou Corbacho, o ministro de Trabajo quen recordou que será "o xuíz" quen teña a potestade de autorizar cando o empresario pode librarse do pagamento da indemnización de 45 días, e pagar só 20 días.

Non obstante, aínda que será o xuíz quen decida, o Congreso facilitará a súa decisión durante a tramitación da reforma, como proxecto de lei, onde, segundo admitiu  a ministra de Economía, Elena Salgado, poderán perfilarse aínda máis as causas do despedimento. É dicir, a cousa será, afirman outros, en verán, con "agosticidade" e aleivosía.