Por outro lado, cada día son máis os que padecen graves dificultades para chegar co fin de mes e aproximadamente dous millóns de fogares, pertencentes á clase media, caeron na exclusión e o illamento social. As medidas antiobreiras sinálanse como unha das causas principais que determinan esta situación.

A brecha entre ricos e pobres ensánchase. As clases medias desaparecen, así como o pequeno empresariado que se ve obrigado a proletarizarse. É unha demostración palpable de que agora a crise non se exporta á periferia (mundo pobre), tan alegremente como antano. Aquelas manobras remataron coa incipiente clase media do Terceiro Mundo. Agora comeza a suceder o mesmo no centro. Se isto non é o principio do fin, paréceselle moito.

J. M. Álvarez