A proposta lanzada por Attac contempla a creación dunha Confederación Estatal de Bancos Públicos que naza das Caixas de Aforro actuais de propiedade mixta, sendo unha parte pertencente ao Estado e a outras a institucións privadas con vocación de servizo público, impositores ou clientes. Esta Confederación, que conviviría coa actual banca privada, funcionará baixo os principios de funcionamento e investimento da Banca Ética, renunciando ao afán de lucro e dando unha atención preferente aos sectores sociais con maiores dificultades para acceder ao financiamento bancario. Ademais, tería como obxectivo a medio ou longo pazo o abandono da reserva fraccionaria (dereito a prestar diñeiro dos seus clientes), buscando outros sistemas de financiamento menos inestables que non se baseen na creación de diñeiro inexistente, e tería prohibida a utilización de filiais e entidades establecidas en paraísos fiscais.