Sentenza do TSXG polo reparto do Fondo Estrutural do Plan de Financiamento (2010-2015)

Nesta última tempada, primeiro no Consello de Goberno, despois na sesión do Claustro do día 15 deste mes o reitor informou de que o Tribunal Superior de Xustiza de Galiza (TSXG) ditara sentenza na que se estimaba, en parte, o recurso contencioso-administrativo interposto pola Universidade contra o reparto do Fondo Estrutural do Plan de Financiamento 2010-2015 e ordenando que a Xunta de Galiza, en cumprimento da sentenza, determine as cantidades que corresponden a cada unha das tres universidades galegas, en función dos parámetros que se recollen no Plan de Financiamento.