Os fondos públicos mobilizados polo Goberno central desde 2008 para manter á boia o sistema bancario español ascenden a 383.933 millóns de euros, unha factura que supera un terzo do valor do PIB anual, segundo a noticia do Diario Público que reproducimos, cifra que aínda podería incrementarse nos próximos anos. Estamos a falar, polo tanto, dun roubo de diñeiro público descomunal (de que outra maneira pode chamarse regalar á banca o diñeiro de todxs?). Imaxínanse a mellora en dereitos sociais e laborais da maioría social que supoñería destinar esa xigantesca cifra a eses obxectivos? E o peor é que esa débeda, ilexítima e usureira, seguirá pagándose con fartura durante as próximas décadas, en beneficio precisamente dos mesmos a quen se lles regalou.
 
Dúas preguntas xorden de inmediato ante esta situación: Por que non nacionalizar a banca baixo control social para poñer todos os recursos ao servizo da maioría da sociedade? Por que temos que pagar unha débeda ilexítima e usureira destinada a pagar á banca e que é outra fonte de negocio para ela?
 
Kaos. Laboral e Economía