Na reunión da Xunta de Persoal co xerente realizada o xoves, día 25, sinalóuselle a desaparición das referencias ao concurso da páxina web. Sorprendeuse e dixo que se restituiría de inmediato. manifestou que non sabía nada descoñecendo o porque se retirara.
 
Os recursos de reposición presentados polas seccións sindicais son de adición, é dicir, reclámase que se modifique o anexo de prazas e que se inclúan as vacantes (7) do Servizo de Informática. Esta circunstancia obrigaría a realizar a modificación correspondente na convocatoria e a abrir un novo prazo de solicitudes.
 
Desexamos que o equipo de goberno rectifique, canto antes o faga menos danos provocará. En todo caso, o retraso no procedemento, se se produce, será culpa exclusivamente do equipo de goberno que, pola vía da imposición e sen xustificación algunha, impide a un importante número de traballador@s o seu dereito a participar no concurso.
 
Nesa reunión realizada o día 25, preguntámoslle, tamén, sobre o estado dos recursos, sinalou que, o día 23 pasoullos á Asesoría Xurídica e que aínda non tiña ningunha indicación.
 
O concurso, polo tanto, non está paralizado e os recursos non o paralizan de xeito automático.