Por un lado abstivémonos na votación do punto 3 .- Memoria do reitor para o Claustro Universitario 2016, significando como vos sinalamos o erro que figuraba no número de PAS que se contemplaba na dita Memoria de Xestión 2016. Por outro lado significamos que durante o ano 2016 o Consello de Goberno aprobou unha Oferta de Emprego Público sen ter coñecemento de que na documentación presentada á Consellería de Facenda para que lle dera o prace contiña 6 postos de traballo a amortizar, este feito que consideramos gravísimo ocultouse, tamén, á Xunta de Persoal o que pon de manifesto as manobras do equipo de goberno incumprindo tódalas normas de transparencia e bo goberno na actución realizada.
 
O reitor responde que o número de PAS é unha foto fixa nun momento determinado do ano 2016 e que reflicte a información que se lles proporcionou.  Referente á segunda cuestión sinala que, de ningún xeito, se amortizará ningún posto e que revisarán a actuación respecto da transparencia na toma de decisións.
 
Xa na quenda aberta de intervencións anunciamos a interposición de recurso á convocatoria de concurso de traslados por non contemplar, no Anexo 1, as vacantes do Servizo de Informática e Comunicacións.