NÚMERO 357 - 15/05/2017
CUTUDC / Novidades
UNIVERSIDADE
O día 15, reunión do Claustro Universitario
Este luns, día 15 de maio, está convocada unha sesión ordinaria do Claustro Universitario, a primeira das dúas que obrigatoriamente se teñen que convocar ao ano. Esta reunión, coa seguinte Orde do Día, ten como obxectivo esencial, a avaliación da “Memoria do reitor para o Claustro Universitario 2016” outro dos obxectivos da sesión é o da renovación da representación nos órganos correspondentes, Mesa do Claustro, Comisión Electoral Central, Consello de Goberno, dos sectores que cada dous anos están obrigados a facelo.
-
Noticias relacionadas
Unha novidade respecto a
outras sesións é que a acta da sesión anterior
está a disposición de todo/as a través de
Youtube
Diferimos das cifras que presenta o reitor na
Memoria de Xestión 2016 á que podedes
acceder co usuaria/o e contrasinal da UDC e
que fan referencia ao PAS.
No punto “As cifras da UDC/2016” sinala que o
número de PAS son 765 traballadores/as, cando
a RPT recolle soamente 744 postos, 21 menos
dos que se enumeran nese apartado. Temos que
sinalar, ademais, que a día 12 de maio, segundo
a revisión que fixemos da RPT, hai 31 postos
sen cubrir (pasamos a relación). Sabemos que
esta circunstancia deriva, en parte, do proceso
de anulación das comisións de servizos, pero
intuímos que esta circunstancia pretende ser
aproveitada para reducir as opcións de
ocupación dalgunha das prazas. Neste momento,
traballando como PAS da UDC hai, polo tanto,
712 persoas, 53 menos das que se reflicten nas
cifras oficiais. Interesarémonos por esta
circunstancia.
Outra das cuestións que manifestaremos, na
sesión convocada, é o rexeitamento do concurso
de traslados que non contempla a totalidade das
vacantes, excluíndo sen xustificación, as do
Servizo de Informática e Comunicacións. Tamén
aproveitaremos pra sinalar a diferenza de
criterio coas prazas de grupos A1 e A2 que a
Xerencia pretende que aparezan na Oferta de
Emprego Público na convocatoria a quenda libre.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript