Así as cousas e diante do perigo de quedar sen emprego @s traballador@s da Casa dos Peixes, da Casa do Home e da Casa das Ciencias anuncian a convocatoria de folga para o día 17 e 18 de maio, coincidindo co Día internacional dos museos reclamando solucións para garantir a continuidade dos 31 postos de traballo.
 
Como sinalabamos a privatización e externalización de servizos que son propios da administración e que deberían ser sustentados directamente, neste caso, polo concello ten estes efectos. As empresas acoden ás licitacións se “hai negocio” e cargan sobre o persoal as consecuencias que poidan poñer en perigo ese afán de lucro.
 
Ao noso parecer, en situacións deste tipo, onde a administración cedeu a xestión de servizos públicos a empresas privadas, só cabe a solución do rescate, remunicipalizar. O concello da Coruña ten unha oportunidade de ouro para facelo se quere dar exemplo do seu compromiso con outro xeito de xestión do público