Na proposta da Xerencia para a OEP de 2017 xa se contemplan 4 prazas, unha delas que nin sequera está na Relación de Postos de Traballo.
 
A Xerencia remitiu, para acceso libre, a seguinte proposta:
 

ESCALA	Nº de prazas	Sistema xeral	Persoas con discapacidade xeral	CUSTO POR PRAZA	TOTAL/ANO con SEG. SOC.
Escala técnica superior informática	1			36.999,38 €	46.323,23 €
Facultativo de bibliotecas	1			31.503,55 €	39.442,44 €
Escala técnica superior de calidade	1			36.999,38 €	46.323,23 €
Vicexerente de persoal  e RR. LL. (A2)*	1			49.788,96 €	62.335,77 €
Escala administratativa (C1)	8			22.447,91 €	224.838,27 €
Escala técnica de servizos E-AP)	4			19.381,17 €	97.060,90 €
Escala técnica de especialistas informática (C1)	1			23.825,24 €	29.829,20 €
TOTAL				220.945,59 €	546.153,04 €
Promoción interna				144.233,04 €	180.579,77 €
DISPOÑIBLE DESPOIS DA PROM. INTERNA					1.415,61

* Praza creada pola Resolución do 12/01/2016, pola que se establece a estrutura orgánica dos servizos centrais da UDC e as competencias dos seus órganos directivos, pendente de dotar orzamentariamente en RPT. 

 

De ningún xeito consideramos que praza estea “creada”, ao non se contemplar na actual RPT. A RPT é o documento que reflicte os postos de traballo de PAS da universidade. Ten o visto e prace da Xunta de Galiza e aprobouse no Consello de Goberno e Consello Social.
 
A proposta remitida constata que o equipo de goberno opta por incrementar paulatinamente a convocatoria a quenda libre das prazas de superior categoría taponando, por unha parte, as posibilidades de promoción e por outra as convocatorias por esa quenda dos postos base.
 
Fronte a este posicionamento institucional tanto APA como a maioría da Xunta de Persoal optamos por seguir reivindicando que as Ofertas de Emprego Público, no que se refire á quenda libre, contemplen, exclusivamente, postos base das diferentes escalas.
 
Temos que indicar que o xerente aceptou a práctica totalidade das prazas que sinalamos que tiñan que se contemplar na taxa de reposición só pon dúbidas á 316 Técnico informático, por renuncia, e a praza 746 Posto base de relacións internacionais (antes en Rexistro) do que temos constancia de que xa ten posto definitivo na outra administración.
 
Fe de erratas
No cálculo que fixemos da porcentaxe de interinidade cometemos un erro, sendo o cálculo correcto o seguinte:
 

POSTO	Nº PRAZAS	VACANTES	%
Escala Xeral. Posto base despois do concurso	135	47	34,81481481%
Escala Xeral. Posto base antes do concurso	135	25	18,51851852%
Auxiliar de servizos	90	25	27,77777778%
Técnico informático	29	5	17,24137931%
Conserxe	24	4	16,66666667%
Auxiliar técnico de biblioteca	42	6	14,28571429%
Bibliotecario/a	38	4	10,52631579%
Analista	12	1	8,333333333%
Técnico de laboratorio	40	2	5%