O 10 de abril, facían dezaoito días en folga de fame. Días nos que están a recibir moitos apoios que dende aquí desexamos que sirvan para conseguir as reivindicacións que os levaron a iniciar esta folga.
 
Achegamos o texto no que se detallan as razóns desta acción:
 
Folga de fame indefinida: NON TRAGAMOS!

Preto dunha decena de persoas decláranse en folga de fame indefinida baixo o lema ”NON TRAGAMOS”: desde o 24 de marzo contra os recortes na RGI, o paro, a precariedade e a miseria.
 
Hai que ter en conta que a Renda de Garantía de Ingresos-RGI- é un dereito conquistado a través da mobilización: ILP, Folga Xeral, múltiples iniciativas e manifestacións…Produto destas iniciativas sociais na actualidade máis de 63.000 familias desempregadas, con empregos precarios ou pensionistas perciben a RGI.
 
Ante a nula vontade de diálogo do PNV, PSE, PP; e ante o emprazamento realizado por todos os axentes sociais e sindicais solicitando a retirada dos recortes da RGI. 8 persoas inician unha Folga de Fame co obxectivo de que se retiren os mesmos. A finalización desta Folga de Fame depende do Goberno Vasco e a súa vontade de dar marcha atrás na actual política de recortes.
 
Desde o ano 2012 PNV, PSE e PP recortaron a contía da RGI: endureceron os seus requisitos; e incumpriron sistematicamente as leis que regulan o seu acceso. Queda claro que as prestacións sociais non son do gusto da patronal ou as persoas ricas e poderosas. Por iso queren acabar con elas.
 
Por todos estes motivos, 8 persoas-xunto a diferentes colectivos sociais de Bizkaia- manifestan que “NON TRAGAMOS” coas políticas de recortes aplicadas ata a data.
 
Por iso, a partir deste venres 24 de marzo impulsarase unha Folga de Fame; á vez que se instala unha carpa como espazo solidario na céntrica “Praza das Mulleres 25N”, nas proximidades do Areal bilbaíno, na coñecida “Puente la Naja”; xunto á estación de Feve “La Concordia”.
 
A intención é que por este espazo se acheguen a totalidade de entidades, axentes sindicais, políticos e sociais que mostraron o seu rexeitamento aos recortes na RGI: a inaplicación do incremento do 8% do SMI aos incentivos ao Emprego, a Renda de Garantía de Ingresos, o Complemento de Pensións ou as axudas ao aluguer.
 
Contra o recorte na RGI, contra o paro, a precariedade e a miseria, NON TRAGAMOS.
 
A través desta folga de fame preténdese evidenciar que…
 
- NON TRAGAMOS co recorte do 7% na contía da RGI que se mantén desde o 2012.
 
- NON TRAGAMOS cun Goberno que non cumpre as leis do seu parlamento, non actualizando a contía da RGI no 8% que subiu o Salario Mínimo Interprofesional.
 
- NON TRAGAMOS con utilizar o racismo e a xenofobia como cortinas de fume para quitar dereitos ao conxunto da poboación.
 
- NON TRAGAMOS con tapar a fraude fiscal estendendo a sospeita cara á xente pobre.
 
- NON TRAGAMOS coa condena á miseria e a exclusión para miles de persoas.
 
- FRONTE A ESTA REALIDADE de recortes esixirase a PNV, PSE E PP:
 
_Retirar o recorte do 7% na contía da RGI dos orzamentos do Goberno Vasco para este 2017.
 
_Aplicar o incremento do 8% no SMI na RGI, tal e como obriga a Lei 18/2008.
 
COLECTIVOS SOCIAIS: Argilan-ESK, Argitan (Centro Asesor da Muller, Barakaldo), Asociacion de Traballadoras do Fogar de Bizkaia, Baietz Basauri, Berri-Otxoak (Barakaldo), Bruxas e Diversas, Danok Lan (Galdakao), Elkartzen, Mulleres do Mundo/Munduko Emakumeak, Pousada dos Abrazos, SOS Racismo e PAH Bizkaia-Kaleratzerik EZ!
 
OFICINA DE DEREITOS SOCIAIS_COIA